Gurbaga bilen Öküz

GURBAGA BILEN ÖKÜZ

Öleňlikde Öküz gören Gurbaga
Synandy öküz deý uly bolmaga,
Çünki ol bäsdeşdi her görenine -
Çişýär ol ine:
"Seret, jora, öküz deý boldummy men?"
"Ýok - diýdi gurlawuk - entekler daş sen."
"Ýene bir bak, indi şeýle çişeýin,
Derrew borun öküz deýin."
"Ýok, araňyz örän daş."
"Indi neneň?" - "Heniz hem öňkiň, ýoldaş."
Ýene haşlap,
Çişip başlap,
Öküz deýin bolmaga,
Çişip durka, ýaryldy-da, öldi şonda Gurbaga.

Iwan KRYLOW.

Terjime eden Rehmet SEÝIDOW.