Главная » 2021 » Oktýabr » 16 » "Her kim ýaşamaly ýaşyny ýaşar..."
11:17

"Her kim ýaşamaly ýaşyny ýaşar..."

"HER KIM ÝAŞAMALY ÝAŞYNY ÝAŞAR...“

Hakyň eradasy bilen dünýäde,
Her kim ýaşamaly ýaşyny ýaşar.
Jahyllar, gojalar, ýaňy inýän-de,
Her kim ýaşamaly ýaşyny ýaşar.

Öýlüsi, öýsüzi, garyby, baýy,
Ýurt eýesi, agyr illi agaýy,
Karuna gol ýapan, Hatamyň taýy...
Her kim ýaşamaly ýaşyny ýaşar.

"Bu dünýäniň wepasy ýok“ diýmäňler,
Munuň üçin gazap donun geýmäňler,
Bu dünýäni söýmedigi söýmäňler,
Her kim ýaşamaly ýaşyny ýaşar.

Däli ýaşar, doly ýaşar, gul ýaşar,
Loly ýaşar, ala ýaşar, dul ýaşar.
Halal ýaşar, haram ýaşar, pul ýaşar,
Her kim ýaşar ýaşamaly ýaşyny.

Gysylma, gysganma ýeriň ýüzüni,
Aç göwnüňi, aç göwsüň, aç ýüzüňi.
Baky- diýip bilme –ýeriň ýüzüni,
Her kim ýaşamaly ýaşyny ýaşar...

Allaýar ÇÜRIÝEW.
Goşgular
Категория: Goşgular | Просмотров: 390 | Добавил: Hаwеrаn | Теги: Allaýar Çüriýew | Рейтинг: 2.5/2
Awtoryň başga makalalary

Goşgular bölümiň başga makalalary

√ "Ýa suwa, ýa-da samana..." / Goşgular - 22.07.2024
√ Belki, gelersiň / Goşgular - 08.11.2024
√ Goja söýgi / Goşgular - 23.10.2024
√ Patyşahym, sen geçirgil gerçe guldandyr hata / Goşgular - 11.08.2024
√ Ajap ýaýlam / Goşgular - 15.05.2024
√ Garrylyk bazary / Goşgular - 24.05.2024
√ Saña barýan ýol / Goşgular - 18.08.2024
√ Gije hem gündiz / Goşgular - 07.02.2024
√ Yetimiñ sowaly / Goşgular - 08.07.2024
√ Soñudagy / Goşgular - 06.07.2024

Teswirleriň ählisi: 3
0
1 edebiyatteswiri  
906
Örän göwne jaý aýdylan şahyrana pikir ýöretmeler. Allaýar agaň jany sag, başy dik, ömri uzak, ruhy belent, görjegi diňe gowluk bolsun, Allajan.

0
2 Revo  
484
"Karuna gol ýapan, Hatamyň taýy..."

Hatamtaý rowaýatlara görä adamzat taryhynyň iň sahy ynsany hasaplanýar. Taý bolsa onyň sahylykda özündenem jomart çykan aýaly.
Karun - bu Musa alaýhyssalam döwründe ýaşan, baýlygy ýere - göge sygmadyk, gysyk, hannas, zalym baý.
Indi goşgynyň şu setirindäki "Karuna gol ýapan, Hatamyň t(T)aýy..." diýen jümle näme many aňlatýar?!

"Bu dünýäni söýmedigi söýmäňler"

Dini nazaryýet boýunça bu dünýä pany, ýalançy, çüýrük dünýä hasaplanýar. Wagtlaýyn, adamzadyň esasy ýolunyň ugrynda (behişdiň) ýerleşen bu synaglar dünýäsini söýmeklik, oňa gol berip, asyl ýoluňdan galmaklyk halanylmaýar. Bu dünýäde bize diňe ol dünýäniň gamyny iýmeklik ündelýär. Käbir dini rowaýatlarda bolsa bu dünýäni garry kempire meňzedilýär. Indi dünýäni söýmezligi ündeýän dini söýmeli dälmi?!

"Her kim ýaşamaly ýaşyny ýaşar..."

Bu jümlede ýazgyt, kysmat diýen ýaly mifiki teoriýalary göz öňüne tutulyp, aýdylan jümle bolsa örän şowsuz bolupdyr. Ýöne filosofiki garaýyşlar esasynda ýaňzydylan kelam bolsa ylalaşmazça däl.

1
3 mango  
651
Karuna gol ýapan, Hatamyň taýy...
Her kim ýaşamaly ýaşyny ýaşar.

Hatamyň taýy…. Taý - bu ýerde at (жеребец) manysynda bolsa-ha bolmaýan bolýa…. Hatam - kişiniň ady, taý - tiresiniň ady….
Gör, bak wikipediýa näme diýýär:

Ха́тим ат-Та́и (Хатим-Тай, араб. حاتم الطائي‎; ум. 578) — прославленный арабский поэт VI века из племени тай[en], отец сподвижника Мухаммеда Ади ибн Хатима[en]. Благодаря своей щедрости стал героем арабских легенд и персонажем фольклора многих восточных народов…
—-

"Bu dünýäniň wepasy ýok“ diýmäňler,
Munuň üçin gazap donun geýmäňler,
Bu dünýäni söýmedigi söýmäňler,
Her kim ýaşamaly ýaşyny ýaşar.

Bu dünýäni gaty köp kişi wepasyzlykda aýyplady…
Allaýar kaka bolsa ony aklaýar.
Bu dünýäni söýmedik, o dunýäsini bu dünýä çalyşmadyk ýene-de bir topar ägirtler bar…. Indi, olary söýmeldälden bolup durusmy?

Adaty goşgy…

Teswiri diňe saýta agza bolan ulanjylar goşup bilýär.
[ Agza bol | Saýta gir ]