Penjire

PENJIRE

Bu gün dünýä seredere
Edingin sen giň penjire.

Mydam, pursat tapan wagtyň,
Penjiräňden bakan wagtyň

Gazaply gyş ýaly geçmiş,
Ýowuzlykdan doly geçmiş

Syryp ýüzden peredesini,
Oýlandyrsyn bir dem seni.

Şonda ata-babalaryň
Diňläp hasrat-nalalaryn.

Dertlerin paýlaşyp daýym,
Ýetirsiň sylag serpaýyn

Hem diň salyp sen böwrüňe,
Guwanarsyň öz döwrüňe.

Soňra ýüzüň öwrüp beýläk,
Arzuwlardan arzuw saýlap

Dursaň, bahar ýaly geljek,
Aýdym sazdan doly geljek

Buýsançlara bolup hemdem,
Gol bulasyn saňa herdem.

Synlap onuň gowluklaryn,
Bagtly agtyk-çowluklaryň

Eşdip alkyş sözlerini,
Ýiteldersiň gözleriňi

Hem diň salyp sen böwrüňe,
Guwanarsyň öz döwrüňe.

Şu zatlara syn edere
Gerek saňa giň pejire.

Italmaz NURYÝEW.