Pese düşmek

PESE DÜŞMEK

Ony ondan aýyrdylar bir günde,
Garşam bolup durmady ol boşluga.
Gaýgyranok, saýgaranok, oýlanok,
Irden gelen sagbollaşýar guşluga.

Olam razy,  muzd tölenmez ýa kireý,
Oýnjak kimin oýnaýarlar keýpine.
Bir pursatlyk saýaly bir düşelge,
Ömürboýy kime gerek, aýt kime?..

Kalbym nagra dartdy, egildi başym,
Ýürek diýdi maña gerek, gelsene.
Namys diýdi haçan pese düşdüñ sen,
Egilme-de,  gowusy bar ölsene...

Ahmet  ARAZOW