Seniñ özüñ ýeterlik

SENIÑ ÖZÜÑ ÝETERLIK

Men senden köp zada tamakin-hä däl,
Göwnüň berseň, göwnüm alsaň ýeterlik.
Bir mähir däl, gaharyňam gerekdir,
Ýuwan bolmaz duzam gerek atarlyk.

Öýkäň gerek özlügimden gitmäýin,
Jeza bergin saçlaryňdan asmaga.
Täk durmuşda bir özümi diýmäýin,
Jübtüm gerek mydam bagra basmaga.

Bir ykbala bir goldawyň ýeterlik,
Hasrat-gaýgy gelsin onsaň dermansyz.
Ýalňyşsaň-da başyň goýsaň egnime,
Köp zatlara göz ýumaryn armansyz.

Men umuman köp zada tamakin däl,
Gülüm pes däl ýa beýik däl deň bolsaň.
Ýaşardym özümi iň bagtly saýyp,
Howam bolsa, dowam bolsa, sen bolsaň.

Ahmet ARAZOW.