15:45 Seniň gözýaşyň | |
|
SENIÑ GÖZÝAŞYÑ
Goşgular
 Şemal öwsüp, gara saçlaryň darar, Gözleriňi süzüp, galdyrsaň başyň. Dünýäň ummanlarna belentden garar Seň gözleňden gaçan bir damja ýaşyň. Bu günler ötüp dur yzly-yzyna, Şatlyk, hasrat bilen gabaryp daşym. Kyn günlemde kuwwat berdi dyzyma Seň gözleňden gaçan bir damja ýaşyň. Ömrüm menzil-menzil ýollary söküp, Hasratly günlerde çalarsa saçym, Göwnümi ýaşardar, ýüregme çöküp, Seň gözleňden gaçan bir damja ýaşyň. Garraýar bu ýaşlyk, garrasam eger Harasat içinde ýitäýse huşum, Maňa bu dünýäni gaýtaryp berer Seň gözleňden gaçan bir damja ýaşyň. Ýöne... aňzak gyşyň golaýlan çagy Başym penalasa deňlerim duşum, Bir ýylgyryş bilen soldurar baky Seň gözleňden gaçan bir damja ýaşyň. Guraklyk içinde gandyrsa yzgar Soňky ýolda goýlan merdemsi daşym, Meger mazarymy her gezek gozgar Seň gözleňden gaçan bir damja ýaşyň. 31.03.2018 Maksat SEÝITLIÝEW. | |
|
| |
| √ Bu köňlüm zowrakyn aldy bu gün bir gunça leb gülruh... / Goşgular - 06.01.2025 | |
| √ Lolular / Goşgular - 08.01.2025 | |
| √ Ýa Biribar / Goşgular - 30.01.2025 | |
| √ Dil pyrak odunda ýandy, galdy jan hijran era... / Goşgular - 12.01.2025 | |
| √ Meýdan güli / Goşgular - 30.01.2025 | |
| √ Şaglawuk / Goşgular - 02.01.2025 | |
| √ Hatty benewşe, haddy läle, zülpi reýhandyr... / Goşgular - 12.01.2025 | |
| √ Ýaraly ýüregiň owazy / Goşgular - 22.01.2025 | |
| √ Oňşuksyz öý / Goşgular - 12.01.2025 | |
| √ Men bir ýola... / Goşgular - 12.01.2025 | |
| Teswirleriň ählisi: 3 | ||||
| ||||
0
