Главная » 2023 » Oktýabr » 21 » Şeraba oda
07:42

Şeraba oda

ŞERABA ODA

Dilsize dil bitirip, saýradar birdem,
Gorkak batyr diýip ýöreniň merdem.
Kisesinde weli it uwlaýandyr,
Ynansaň gepine baý eder zerden.

Nadanlygy artar ýene nadanyň,
Endamyna gaýrat geler ýadanyň.
Güýji nä güýç göterilen badanyň,
Akyl geler, gider duman serinden.

Biri serhoş, biri beýhuş, biri hoş,
Göwresine seretme sen, biri boş.
Danalara her damjasy bolgaý noş,
Akar çeşme, bulak, derýa tereňden.

Birsellem dünýäni unudar adam,
Birsellem öz-özün tanadar adam.
Birsellem han-hanan, soltandyr adam,
Keýp gidensoň hiç zat gelmez elinden.

Gamzat Padasanyň ogly Resulyň
Setirinde beýan boldy wysalyň.
Kim bilmeýär Omar Haýýam gazalyn,
Dünýä ala-ýazdyr onuň zorundan.

Başarana «Halal!» diýmiş ol dana,
«Haram!» diýmiş içenden soň pohlana.
Behişt däl, dowzahdyr eger aldana,
Bu ýagty jahanda parhyň nä körden?!

Seni datmadyk ýok, dadana hezzet,
Dana lezzet, akmaklara kän ezýet.
Nirede? Kim bilen? – sorasaň wesýet,
Berjaý etseň bolar orunyň törden.

24.03.2014.
Goşgular
Категория: Goşgular | Просмотров: 269 | Добавил: Haweran | Теги: Allaýar Çüriýew | Рейтинг: 0.0/0
Awtoryň başga makalalary

Goşgular bölümiň başga makalalary

√ Täze rubagylar / Goşgular - 29.09.2024
√ Şygyrlar / Goşgular - 14.10.2024
√ Ikatýok bilen horaz / basnýa / Goşgular - 22.06.2024
√ Yşkdan dawa kylan kişi... / Goşgular - 02.08.2024
√ Ýa, Rep, hemişe lutpuňy et rehiýema maňa... / Goşgular - 11.08.2024
√ «Bolanok — diýipdiň — bir ýylda iki...» / Goşgular - 23.10.2024
√ "Bagşylara" / Goşgular - 07.02.2024
√ Pikir / Goşgular - 25.08.2024
√ Ýaşa dünýäni gujaklap / Goşgular - 15.11.2024
√ Daglar hakda geňräk goşgy / Goşgular - 06.11.2024

Teswirleriň ählisi: 8
0
1 yaran_yagmur_9  
1578
Umuman, tutuş durky bilen dagly bolan we hiç haçan öz obasyndan örküni üzmedik Resul Gamzatowyň şeraby wasp edýän setirleri onuň halky barada käbir nädogry düşünjeleri döretdi. Edil türkmenler ýaly şerap içmeýän musulman halk bolan awarlar we Dagystanyň beýleki halklary arak içmäge soňky döwürde başlapdylar we köpüsi şeýle hem ony öwrenmedi. R.Gamzatowy okanlar bolsa onuň halky gruzinler ýaly şerap söýüjidir öýdýärler.

Käbir şahyrlaryň şular ýaly etmeleriniň (öz halkyna şerap söýüjileriň reputasiýasyny gazandyrmaga çalyşmak) ýene bir sebäbi bolup biler: Günbatarda we Russiýada diňe şerap içýän jemagatlar medeni hasaplanýar, olar üçin şerap - medeniýet suwy.

Mysal üçin siz günbatar we rus edebiýatynda "дикий араб", "дикий турок" diýip kän duşýansyňyz, emma "дикий перс" diýen söze hiç duşmarsyňyz. Sebäbi parslar musulman bolany bilenem olaryň gadymy däp-medeniýetlerinde şerap içmek bar, ýaňky halklarda bolsa ýok.

Umuman, däbinde şerap içmek bar bolan halklaryň mentaliteti biraz başgaça bolýar. Emma, meniň pikirimçe, medeni derejä munuň dahyly ýok.

Demirgazyk Kawkazyň musulman halklarynda bolsa şerap içmek däbi öň bolmadyk, olar şerap söýüji gruzinlerden we konýak söýüji ermenilerden düýbünden başga. Awarlar, çeçenler, inguşlar, kabardalar, çerkesler... dini gaty berk tutýardylar, käbiri arak-şeraba sowet döwründe başlady.

Resul Gamzatow muny ýalňyş hasap etdimi- ýok, ony bilmedim, emma öz wagtynda özüniň şeýh Şamile daş atmasyny ýalňyş hasaplap, örän ökünipdi.

Şol döwürde kän adamlar ýalňyşypdy.

0
2 Babay  
1481
Şu suratda bokalyň, ýer tudananyň, şokoladyň gyrawy ýok diýmeseň ajaýyp surat, kim çekenem bolsa mahabatçy bolup işledibermeli.

0
3 Azat_Nurgeldi  
283
Şerap içen gitdi, içýänem gider.
Ýöne içmeýänler, aýt, bakymydyr.?
Resul Gamzatow.

0
4 Yusup  
50
Araga diýmaýin welin şerap meselesinde gurzinler, olara adat bolan ýaly

0
5 Yusup  
50
meniň eştmişime görä, çaga dogsa, bir şerap öndürýän agaç gutyny ýere gömmýämişinler. Umuman gürjiler (gruziýa) içegen halk. onuň klassigiň ýazan hekaýalaryndanam ugr alyp bermeli

0
6 yaran_yagmur_9  
1578
Meniň pikirimçe-de, şerap-meýlis meselesinde R.Gamzatow öz halkyny däl-de, gruzinleri suratlandyran ýaly.

0
7 Azat_Nurgeldi  
283
Meniň pikirimçe biz temanyň awtorynyň goşgysyndan daşlaşyp, Dagystan, Kawkaz milletleriniň gapysyny kakyp ýörüs, şerap azajyk huşumyzy alyp gaçdy öýdýän. :-))

0
8 Azat_Nurgeldi  
283
http://kitapcy.ru/news....20-7658

Teswiri diňe saýta agza bolan ulanjylar goşup bilýär.
[ Agza bol | Saýta gir ]