Surnaý

Çary ÝEGENMYRADOW

▶ SURNAÝ

Surnaý, meni ýörişlere çagyrma!
Kän başymda ownuk işdir alada.
Göwnüm bölek bolup, çyksam o ýollar,
Ahmyr bilen dodagymy ýaladar.

Ýaşlaryñ paýydyr ýolagçy bolmak,
Ýollarda gezeniñ giñär göwrümi.
Men oñnut ederin ýatlap kämahal
Ýörişlere höwes eden döwrümi.

Men özgäñ derdini paýlaşyp bilmen,
Bolup bilmen şatlygyñam şärigi.
Ýadymdan çykardym ýeñmegiñ hemem
Kynçylyga döz gelmegiñ tärini.

Çünki ýel öwüsýär kalbymda meniñ,
Tupan turýar hemem ýagýar boraganm
Emma "Bähbit bolsun!" diýýän, sebäbi
Türkmen ähli zady ýagşa ýoragan.

Agşamara daş işige çykaryn,
Ýörişden galybam tapmaryn karar.
Şonda Aý bolşumy birhili görüp,
Ýaşyp barýan çagy egnimden garar.

Emma hiç kim meniñ halym soramaz,
Meniñem hiç zada nebsim agyrmaz.
Hiç kime dost däl men,
duşman däl indi,
Surnaý, meni ýörişlere çagyrma!

* * *

Aý, hawa-da, özge nireden bilsin,
Kesekiñ ahwaly kesekä syrdyr.
Haýyş bilen kiçelmäge utanyp,
Nebir arzuwlarmyñ ganatyn gyrdym.

Dünýä bir bolşuna galdy, barybir,
Emma bir ýetmezi bar eken oñam.
Hiç kimem özgäniñ tabyn bilenok,
Soramasañ pul berenok, onsoñam.

Asman giñişligi zerurdy maña
Hem onuñ erkana ýüzýän buludy.
Uçup gitmekçidim çemini tapyp,
Ýaş oglandym, arzuwlarym uludy.

Aýlygymyñ ýaryn öýe ugradyp,
Ýele sowurýardym artanjasyny.
Goñşymyñ üç gyzy bardy,
niýetim,
Öýlenmekdi şolañ ortanjasyna.

Üýtgeşik bir sowgat alyp şo gyza,
Gutlajakdym 8-nji martyny.
Ýöne pulsuzlygym sebäp boldy-da,
Bulaşdyrdy meniñ ähli kartymy.

Pul sorasam, beriljegun bilsemem,
Islemändim işiñ beýle biterni.