Главная » 2018 » Awgust » 10 » Tapyşyk
22:38

Tapyşyk

TAPYŞYK

Goşun bölüminden Enäň adyna,
Habar geldi: “Ogluň dereksiz ýitdi..!"
Ene diýdi: “O nähili dereksiz?
Gidend-ä ol derek tutjak ýigitdi!..”

Ötdi urşuň gutaranna ençe ýyl,
Derek tapylmady oglundan onuň.
Garaşdy ogluna Ene şonça ýyl..
Bir gün ýola saldy bir körpe oglun

Nowbaharyň söweş guran ýerlerne,
Hem garaşdy derek bilip gelerne.

Aýlandy inisi gözläp agasyn,
Berýozalaň, sosnalaryň arasyn,
Agasyndan ýaşy uly inisi,
Köp ýer gezdi,
Sökdi ili-ulusy.

Ýekän-ýekän barlap gubur arasyn,
Idäp
ahyr…
zordan tapdy agasyn –
Doganlyk mazardan tapdy agasyn..
Tapdy…
Indi begensinmi?
Aglasyn?!

Kasym NURBADOW.

Goşgular
Категория: Goşgular | Просмотров: 831 | Добавил: Gurban | Теги: Kasym Nurbadow | Рейтинг: 4.0/1
Awtoryň başga makalalary

Goşgular bölümiň başga makalalary

√ Bir dem ol dilber jemalyndan yrak olmak ne güýç... / Goşgular - 01.01.2025
√ Dünýä maňa aşyk bolsun! / Goşgular - 07.01.2025
√ Lolular / Goşgular - 08.01.2025
√ Eýledi ýar meni dert ile awara, medet... / Goşgular - 12.01.2025
√ "Ýene-de daň atdy..." / Goşgular - 01.01.2025
√ Söýlemezlik harjysy söýlemegiň hasydyr... / Goşgular - 04.01.2025
√ Aramyzdan gidenleri ýatlalyñ! / Goşgular - 12.01.2025
√ Dostum, arz et jemalyň, janymyz bolsun fereh... / Goşgular - 04.01.2025
√ Hatty benewşe, haddy läle, zülpi reýhandyr... / Goşgular - 12.01.2025
√ Kowusnama: Bedew edinmek hakynda / Goşgular - 12.01.2025

Teswirleriň ählisi: 2
0
1 Мylayym  
83
Beh... Damagym dolup, gözüme ýaş aýlanyp gitdi. Herniçikde bolsa, şehidiň mazary tapylypdyr. Dereksiz ýitgi bolmandyr.
Merdanalara tagzym! ...

0
2 Gumlygelin  
8
Rus gošuny Gökdepäni alyp mara gelende obalardan düzülen kiçijik goşun ullakan goşunyñ öñünden çykypdyr.Şonda garry atam hem bar eken we söweşiñ bolan ýerinden onuñ jesedi hem tapylmandyr.

Teswiri diňe saýta agza bolan ulanjylar goşup bilýär.
[ Agza bol | Saýta gir ]