Wesýet

WESÝET

Ölen günüm meni jaýlañ,
Garyp mazara goýuñ-da;
Ortarasynda giñ ýaýlañ -
Ukrainanyñ goýnundan
Uç-gyraksyz giñ meýdanlar,
Uçudy, belendi-pesi
Görnüp dursun, eşidilsin
Dnepriñ güwleýän sesi.
Göreýin derýanyñ deñze
Akydyşyn duşman ganynn
Ana, diñe şondan soñra
Gabrymda ynjalar janym.
Ruhum uçar, doga eder
Baryp Hakyñ huzurynda...
Ýüzüm gara, dilim gysga
Bolsa-da Onuñ ýanynda.
Meni jaýlap, derrew galkyñ,
Zynjyrlary üzüñ, gyryñ,
Duşmanlaryñ gany bilen
Erkinlik bagyn suwaryñ.
Bolup bir uly maşgala
Dynyñ gulçulyk derdinden
Meni-de unutmañ, ýatlañ
Ruhuma doga ediñ-de.

Taras ŞEWÇENKO.

* * *

Ölüm jaýlaň mähriban
Ukrainanyň ilinde,
Gazyň gabrymy meniň
Sähraýy giň çölünde.
Daşgyn derýa abanýan
Depede ýatar ýaly,
Gapdalymdan çyrpynyp,
Dnepr öter ýaly.

Ukrainadan duşmanlyk
Haram ganyny sürüp,
Äkiden soň, mazardan -
Silkinjiräp, men turup,
Göge galkyp alkyşlaryn
Taňrym - janym pidany,
Emma täji onýança
Tanamýaryn hudany.

Meni jaýlap galkyň-da,
Sözüň zynjyr, terk ediň!
Ganymlaň ganyn seçip,
Azatlygy berkidiň!

Meni-de ýatlaň onsoň
Azat bolan ol ilde,
Ýatlap duruň, unutmaň,
Gadyrdan şirin dilde.

1845 ý.

Terjime edenler: Ç.Aşyrow. B.Soltannyýazow.