Ýaşyl reňkli ýazym

ÝAŞYL REŇKLI ÝAZYM

Owsunşyňa ýeller düşünebilmez,
Pasyrdyňa meňzäp uçar guşlaram.
Sen barkaň, gök buldun düşenebilmez,
Aý-ýyldyzlar gujagyňdan düşmezem.

Ýaýlalara ýaşyl reňkiň ýokupdyr,
Görküňden gül-gunça syçrar düzlere.
Mydam nazarlarmyz saňa bakyp dur,
Gözelligiň damyp dursun gözlere.

Sen – asmanyň ýüzi, ýeriň ýazy sen,
Beýikligiň deňleşer ho-l daga-da.
Hemişe pasyrdap dursaň razy men
Elimde ömürlik götermäge-de.

Diňe ellerde däl, göterip ýörün
ýüregimiň üstünde seň nyşanyň.
Eýeläňsoň bu gün kalbymyň törün,
Synyňdan üç gez däl, on gez ogşaryn.

Gördüm mertleň saňa başyn egen-de,
Sen ýollara şöhle boljak yşyksyň.
Aýyrsalar Tugy Arşdan eger-de
Asman galan ýaly bolar eşiksiz...

Goçmyrat ORAZBERDIÝEW.