Аlysda galan çagalyk

ALYSDA GALAN ÇAGALYK

Mar ýaly towlanyp ýatan ýodalar
Gaýalaň boýnuna oranyp ýatyr.
Dag gursagyn ýaryp dörän jülge-de
Baglaň ýapragyna ýaşynyp otyr.

Hanha aýakýalaň ylgan ýodalam
Çagalyk günlerim tozuna siňen.
Süýşüpdir Sumbarym öňki ýerinden,
Herne ýerinde dur şol Aý, Ýedigen.

Ýylgynlaram otyr bezenip kemsiz
Gujak açyp durlar ýylgyryp maňa.
Howlukmaç gijeler alňasap barýar
Gowuşmak niýeti arzyly daňa.

Ah,meniň ak daňym atarka haçan
Bagtymyň yzyny yzarlap giden?
Alňasak göwnümi uçurdym elden
Men indi yzyndan ýeterkäm haçan?

JÜMJÜME.