13:25

Arap gözeli

ARAP GÖZELI

Nägehan geçemde, düşende ýolum,
Sährada bir arap gözelin gördüm.
Men-ä suw isledim, ol saçak ýazdy,
Sährada bir arap gözelin gördüm.

Astyma atdylar alaja kilim,
Agzymda gurady dodagym, dilim,
Sonany göremde büküldi bilim,
Sährada bir arap gözelin gördüm.

Astyma atdylar bir ýüpek haly,
Öñümde goýdular gaýmagy, baly,
Enesin yrmaly, gyzyn almaly,
Sährada bir arap gözelin gördüm.

Öwer, Garajaoglan, ýaryny öwer,
Zülpi tolkun-tolkun gerdene deger,
Müñ altyn berseler, ýene müñ deger,
Sährada bir arap gözelin gördüm.

▶ ILE GARŞY

Ýaşyl başly ýaşyl ördek,
Uçar gider köle garşy.
Egri boýnun tel-tel etmiş,
Bakar gider ile garşy.

Telli durnam kän-kän geler,
Hünji, merjen ýüki bolar,
Elwan gülden ysy geler,
Ýar oturmyş ýele garşy.

Laçynym bar, bazlarym bar,
Tele düzgün sazlarym bar,
Ýara gizlin sözlerim bar,
Sowurmaryn ýele garşy.

Garajaoglan diýer, hany,
Beren alar datly jany,
Rowa görseñ, öldür meni,
Gara bagla ala garşy.
Категория: Goşgular | Просмотров: 401 | Добавил: Hаwеrаn | Теги: Garajaoglan | Рейтинг: 5.0/1
Awtoryň başga makalalary

Goşgular bölümiň başga makalalary

Alabahar / Goşgular - 21.03.2024
Rubagylar / Goşgular - 01.01.2024
Ak buýnuzly ak maral / Goşgular - 01.01.2024
Ömrümiñ manysy bolmaly zenan / Goşgular - 05.02.2024
«Отвергнув гордое сомненье…» / Goşgular - 29.02.2024
Mürze ýigit / Goşgular - 12.03.2024
Was-wasylara... / Goşgular - 23.01.2024
Moskwadan görýärler / Goşgular - 30.01.2024
Bagyşla! / Goşgular - 01.01.2024
Göreş / Goşgular - 11.02.2024

Teswirleriň ählisi: 0
Teswiri diňe saýta agza bolan ulanjylar goşup bilýär.
[ Agza bol | Saýta gir ]