Arzuw

ARZUW

Pursatlaň gulpuna baglanyp galdy,
Armanlarmyň nepesine meýmiräp.
El uzatsam boşluk gurşar aramyz,
Ho:ol ýanda duransyň gyz deý sülmüräp.

Käte Aý bolup bakarsyň asmandan,
Kä sönen ýyldyz deý gaýyp bolarsyň.
Tutuş süňňüm elegiňden geçirip,
Umyt-ynamymy süzüp alarsyň!

Ýene bir gün Kuýaş bile dogarsyň
Dünýäme öz dünýäň ýalkymyn saçyp.
Kä zülplerim oýnap özüň güjeňläp
Gidersiň şemal deý deňimden geçip.

Dünýämde gök gürlär,ýyldyrym çakar,
Gözlerim çydaman döker ýagyşyn.
Elimden sypar-da asmana uçar,
Yzyna seretmän köňlüm-ak guşum.

Uç guşum ganat ýaý,bakma yzyňa
Süýşýän bulutlaryň başyn çekiber.
Degmese degmesin eýäne nepiň
Göwünlerde umyt şemin ýakyber!

Jümjüme.