Daýhanyň guwanjy

DAÝHANYÑ GUWANJY

Al-asmanda gaýyp ýören guşlaryň
Ýere düşýän kölgesinde saýalap,
Daýhan kişi dowam edýär işini,
Haşal otlaň tohum-tijin "zaýalap".

Ýere damyp duran alyn derinden
Goşant goşýar bol hasylyň suwuna.
Ekinçilik sagatsaýyn boý alýar
Burgy berip murtlarynyň towuna.

Daýhanyň zähmeti, aýdaly, zamça
Reňkin saraldyp, ysyn kükedýär.
Töweregi gaplap alan hoşroý ys
Özi bilen işdäleri dok edýär.

Säginip syn edýär zähmet aşygy,
Gök öwüsýän peller üste küýlenip.
Pi:liň dessesinde yzin goýupdyr
Gabarçakly eller dere eýlenip.

Elbetde, her işe yhlas gerekdir,
Onuň goldawy kän düşeňde yşka.
Her goltugňa bir gawuny göterip,
Giçläp
Öýe gaýtmaň lezzeti başga.

Şyhymyrat ABDYLLAÝEW.