07:46 Degişme äheñinde | |
DEGIŞME ÄHEÑINDE
Gyzlar köýnegini täzeçe geýýär, Matasy, goý, bolsa bolsun nämeden. Ýigitler gyzlary has beter söýýär, Gözüñi sowmak kyn taýly mämeden. Gyzlar köýnegini täzeçe tikýär, Howa ýok beden-u köýnek arada. Ýaşlygy geçeniñ ünsüni çekýär, Oýlanýar giñ köýnek gelni barada. Gyzlar köýnegini täzeçe tikýär, Köçeler dolup dur serwi kamatdan. Jadyly bakyşlar özüne çekýär, Ýene oda salýar, çykaryp otdan. Öýlenen "biçäre" aýalyn söýýär, Öýünde oturyp gün görýär kileñ. Gyzlar köýnegini täzeçe geýýär, Göhi gelýär öýlenmedik ýigitleñ! Gyzlar köýnegini täzeçe biçýär, Gyzlar köýnegini tikýär täzeçe. Ýakasyny towlap, baş ýaýkap geçýär, Dünýä dek giñ köýnek, çal saçly eje. * * * Ynanýaryn men Tañrynyñ täkligne, Oña sähel şübhäm ýokdur göwnümde. Güwä geçýän ynamymyñ bekligne, Üýtgäp durmaz asla hiç bir öwrümde. Ynam diýilen zat duýgynyñ beýgi, Kalbym bilen jogap berýän şu sözme; Ynsanyñ Tañrysy söýgüdir söýgi, Asla Tañry ýokdur söýgüden özge! Aşyrguly BAÝRYÝEW. | |
|
√ "Bagşylara" / Goşgular - 07.02.2024 |
√ «Отвергнув гордое сомненье…» / Goşgular - 29.02.2024 |
√ Gije hem gündiz / Goşgular - 07.02.2024 |
√ "Ulag gidip barýar..." / Goşgular - 28.04.2024 |
√ Жизнь / Goşgular - 29.02.2024 |
√ "Gelin jan..." / Goşgular - 26.03.2024 |
√ Şert / Goşgular - 09.02.2024 |
√ Wiswisi lakamly obadaşymyň ömür beýany / Goşgular - 25.03.2024 |
√ Nar / Goşgular - 22.04.2024 |
√ Puluň başarnygy barada agymtyl goşgy / Goşgular - 10.01.2024 |
Teswirleriň ählisi: 0 | |