Enem jana

ENEM JANA

Oba barsam enem ýanyna
Alar otyr gulli çäýnek.
Elinde "Edebiýat sungat"
Gözünde -de uly äýnek.

Saçagynda tamdyr çörek,
Gant nabady ýany bilen.
Ýanja serilen gurtlar
Ünsüň çeker sany bilen.

Bagdan gaçaýjak bolup dur,
Bişen erik şaha ýaýrap,
Guşlar heziller edindi
Buşlaýar begenjin saýrap.

Ýanja saglan geçi süýdi,
Pyýalada äberiler.
Enem meni gören badyna
Diyer: "köşek eliňi ber"

Gol uzatsam guýar ele
Kemput gantmy kak erik.
Eger ter önüm küýseseň,
Gözel obamyza geliň!

Ýok, ýok özem göni
Enem janyň ýanyna geliň,
Ondan gowy tebip bolmaz,
Keselinem tapar emin.

Enemiň gujagynda,
Oýnaýan oglan döwrüm.
Guş kimin uçup gitdi,
Durmuşym etdi öwrüm.

Ýaşaýas mermer şäherde,
Emma göwnüm oba diýýär.
Käte hyýalymda baryp
Enem seren gurdun iýýän.

Yone nätjek döwür ösýär,
Kim utulýar, kimler utýar
Ýöne tapman enem deýin
Ýyly mähriň ýerin tutýan.

Aksoltan HYDYROWA,
Döwletmämmet Azady adyndaky Türkmen milli dünýä dilleri institutynyň talyby.