Galan bar

Merhum Döwlet ýetimiň halk aýdymlaryny diňläp otyryn şu pille. Şu şygryň aýdymyny beter gowy görýän. Ageýinlerime ýetireýin diýagaýdym!

Döwlet kaka barada dillenip geçmegiñiz juda begendirdi.... çünki şolañ obasynda zehinliler kän eken, başga-da Nedir Ýusubow......

Ömrüñ bolsun.

Biz gadym çarwa halky, şoňa görä-de edebiýatymyz hem retoriki häsiýetli. Men bu soňky çykan "daşy akja içi garaja" mollasumaklaryň tersine aýdym-saza gaty ýokary baha berýän. Özüň bilýäň Owgandaky 7 milýon hazar türkmenlerem özlerini bizden kem türkmen saýanok emma ene dillerini ýitiripdirler. Fars diliniň gödegräk şiwesini "hazaragi" diýip gepleýärler. (Nähili gynanç hakykat...) Biz entegem ene dilimizi arassa gepleýän bolsak (ynanyň bir türkolog hökmünde aýdýan Oguz dilleriniň içinde iň arysy biziňki) halk döredijiliginiň, dessanlarymyzyň, nusgawy şahyrlarymyzyň we bagşylarymyzyň bu babatda gaty uly orny bar. O urha-urluk ýyllarynda medrese okamaga kimiň gurbaty çatjak? Bir obadaky sowatly adamlaryň sany eliň barmak sanyny geçmedik döwürlerde bagşylar halk köpçüligine açyk "halk seminarlary" wezipesini ýerine ýetirdiler. Hemmesine salam bolsun!
"Saýatly Hemra" dessany hem hakyky oguz-türkmen dessany. İçindäki goşgulary halk aýdymyna öwrülen iň naýbaşy dessanlarymyzdan biri. Hemmämiziň uly höwes bilen diňleýän Annaberdi Atdanow ýaly bagşylaryň, "Syrly mukam" ýaly ady ebedileşen çeper filmleriň aýdymlary aglaba şu dessandan. Milletsöýerlik bir tarapa, filolog hökmünde garasaňam halk dessanlarymyz baha kesip bolmajak derejede gymmatly eserler.

Aslynda teswirde belläp geçerden giň we çuňňur temalar (makalalyk temalar) weli şu ýaltalygyma towpyk bersin-dä...

Makalalarñyz zerur elbetde, ýöne "toýdan topukça" diýen ýaly teswirler hem köp zat öwredip bil­ýär, her ýazylan eserie her okyýjyñ öz pikiri bolýar, siz ýaly filaloglaryñ pikiri bolsa gymmatly bolup durýar-da..

Ýöne özüm ýazmasam hem ýazýarlar tüweleme. Käwagt edebi oturlyşyklarda gürrüň beren meselelerimi hamana öz pikirlerimiş ýaly onda-munda bloglaryna ýazyp ýörenlerem bar. İl-güne ýetse bolýa diýip sesimi çykaramok menem. :-)

Goşgulary edişleri ýalymy?!:) Siziñ şol sesiñizi çykarman oturma häsiýetiñiz bilen ylalaşasym gelenok-da..))

"Sabyrly at ýaman kişňär" diýýär. Sesimi çykarsam ýarylmaly bolaryn. Onda-da nesibesini alan köp bolar. Ýolötenli bir dostumyň "Taýmaz akga seň şu bolşuň bolo" diýşine laýyk ümsüm otyryn onsoň... :)

Şol goşgularyñ ahwaly şok edipdi meni )) Hernä WAGT ähli zady ýerli ýerinde goýdy, siz seslenmeseñizem "Däde" Ol eden-etdiliklere dymyp durup bilmändi..
Ümsüm otursañyzam miwe agajyndan daş düşmez diýişleri yaly, siziñ pikirleriñiz esasynda, gürrüñlerñiz esasynda ýazsalar hem edil öz önümleri bolmandan soñ olardan alynjak many edil sizden alynany ýaly çuñ bolmaz, şonuñ üçin siziñ makalalarñyza, gazallarñyza, pikirleriñize, garaşýarys)

Hawa "Taňryň tokmagy - Has dädäň" ömri uzyn bolsun! :))

"Ýagşyny ýatlasaň ýanyňda gögär" diýipdirler... Hoşgeldiň ded!
(Asyl siz hoşgeldiňiz, bäri meň ýerim" diýsene :))