Garagalpak gyzyna

GARAGALPAK GYZYNA

"Hind gyzynyñ ýañakdaky halyna
Buhara, Samarkandy bereý..."
Hapyz

Saña duşan günüm - ömrümiñ ýazy,
Duşuran ykbaldan razy men, razy.
Dünýäni keşt eden Hapyz Şirazy,
Ýañakdaky halyñ görmän ekeni.

Garaýşy hoş mukam, ýöreýşi goşgy,
A meñ şo gudratda ýüregmiñ yşgy,
Görenler ömürlik ýatlar şu keşbi,
A görmediklere arman ekeni.

Bildim sen deý gyzyñ yşky-ataşy,
Näz-kereşme bilen habar gatyşy,
Bilbile öwürip şahyr Öteşi,
Berdagyñ paýhasyn durlan ekeni.

Giçgeldi AŞYROW.