Главная » 2023 » Oktýabr » 12 » Giderin...
16:24

Giderin...

GİDERİN...

Men bir gün giderin ganatym kakyp,
Uçaryn asmana mundan pel-pelläp.
Ähli gam- gussany galdyryp munda,
Oturaryn sizi asmandan synlap.

Ýelek ýaly ýeňlär gider bedenim,
Ruhum seýle çykar göklere sary.
Şäheriň gohundan gaçyp uzakda,
Dynç alar ýataryn gara toprakda.

Beýnim boşar galar aladalardan,
Hysyrdylar, öý işleri, ýeneler...
Kinolar, kitaplar, toýdur-baýramlar,
Soňlanar bu dünýädäki bar baglar...

Emma, welin näçe daşa gitsemem,
Her gije gelerin öz ojagyma,
Çagalarmyň üstün örter giderin,
Üşäýmesin olar gijelerine.

Allam, edýän iň arzyly dilegim!
Çagalamyň toýun görkezeweri!
Giden wagtym arkaýyn gider ýaly,
Entek-entekler bir çagyrmaweri!
Категория: Goşgular | Просмотров: 200 | Добавил: Shapak_A9602 | Теги: Aýgül Abdyýewa | Рейтинг: 1.5/2
Awtoryň başga makalalary

Goşgular bölümiň başga makalalary

√ "At bilen kowalap gördüler ony..." / Goşgular - 01.01.2024
√ Günüñ monology / Goşgular - 01.01.2024
√ Estagfurullaly bentler / Goşgular - 14.02.2024
√ Şemally gün / Goşgular - 27.01.2024
√ Ömrümiñ manysy bolmaly zenan / Goşgular - 05.02.2024
√ Mürze ýigit / Goşgular - 12.03.2024
√ Mähremlikden nyşan sen... / Goşgular - 08.05.2024
√ Gije hem gündiz / Goşgular - 07.02.2024
√ Gökdepäm / Goşgular - 22.03.2024
√ Kyrk ýaşa ýeteniñde / Goşgular - 03.02.2024

Teswirleriň ählisi: 7
0
1 Azat_Nurgeldi  
283
Her setirde biri birine garşylykly pikirler bar. Derňäp oturmagyň hajaty ýok. Bir görseň "asmanda pelpelleýär", bir görseňem "gara toprakda dynç alýar". Soňam Alladan şol zatlardan goramagyny dileýär. Belki men düşünen däldirin.

0
2 Shapak_A9602  
1502
Ruh, göge uçýar, beden ýerde galýar. Günlerde bir gün boljak ýagdaý. Wagtyndan ir gitmezligini dileýär...

0
3 yaran_yagmur_9  
1578
Men Azadyň pikirini goldaýaryn.

Sazdaky ýaly, edebi eserde-de "leýtmotiw" diýen bir zat bolýar. Ýagny eseriň içinden eriş-argaç bolup geçýän motiw, meýil, ymtylma.

Meselem, liriki gahryman bizi "pany, dereksiz, ynsana wepasyz ýalançy dünýäden ajaýyp, hakyky, ymykly dünýä bolan bakylyga" çagyrybam biler, "ýeke-täk dünýä, bize bir gezek berlen dünýä, "ýaşanyňa juda degýän dünýä" bolan şu dünýä ähli yhlasyňy bermäge çagyrybam biler. Bularyň hersem özüçe mamla ýa esassyz bolup biler, bular adam paýhasy bilen inkär edilip ýa-da tassyklap bolýan zatlar däl, eýsem diňe ret edilýän ýa-da kabul edilýän zatlar, ýagny dünýägaraýyş, ynam-ygtykat meselesi.

Edebiýatda bolsa oýnuň düzgüni şeýle: ýazýan adam bary-ýogy bir goşgynyň dowamynda eseriň leýtmotiwini üýtgedip, bir dünýägaraýyşdan garşylykly dünýägaraýşa geçmeli däl. Beýtse eser okyjyda bir çuňňur duýgy, bütewi täsir, liriki gahrymanyň anyk obrazyny döredip bilmez. "Çaşynyň gözüne sereden ýaly" bolar.

Goşgy şadyýan, gazaply, söweşjeň, gussaly, öwüt beriji, kinaýaly...bolup biler, ýöne "bir perdeden tutmaly" bolar. Şahyryň garaýyşlary ewolýusiýa bolup biler, ýöne bir eseriň çäginde däl. Bakylyga telwas edýän goşgy zemine muşdaklyk bilen gutarmaly däl.

Omar Haýýam iki rubagy okap, birinde hemişeki aýdýanlaryny aýtsa, beýlekisinde "şäher turup, gözýaş edip, doga okaly" diýse, diňleýjä nähili täsir eder? Bulaşyk duýgulary döreder we eginlerini gysarlar.

Mahlasy, edebiýatda çäksiz erkinlik bar, emma oýnuň düzgünleri hem bar. Şeýle düzgün bozmalary kän görmek bolýar, pursat bolsa bu gürrüňe dolanarys.

0
4 Şirhan  
49
Gelneje, gitmäge her haçanam ýetişerisle... Gitmekden bärdäki gürrüňleri edibereliňde gowysy:-)

0
6 Shapak_A9602  
1502
Tanyş-bilişiň ýasyna baranyňda, haçandyr bir gün gitmelidigi ýada düşäýýär...

0
5 Yusup  
50
wah, ýöne barjak ýerimiz jedelli. Bäriň gam-gussanyndan dynyp, başga bir gama uçarajakmy. Ýa-da ruhumuzam bedenmiz ýaly baky uklajakmy. Kim bilýä.

0
7 Shapak_A9602  
1502
Baran wagtymyz anygyna ýetäýmesek...

Teswiri diňe saýta agza bolan ulanjylar goşup bilýär.
[ Agza bol | Saýta gir ]