Gowy adamlar

GOWY ADAMLAR

Gowy adamlary gowy görýarin,
Söýýän olaň pes päl gylyklaryny.
Bir gowy hakynda gendäň gepine,
Olar gabartmazlar gulaklaryny.

Olaň sözi erär gider ýürekde,
Gyzgyn sähralaryň garlary ýaly.
Olar küýsederer her gün, her hepde,
Mylly Täçmyradyň sazlary ýaly.

Ölçegidir sadalygyň, gowlugyň,
Şeýle adamlary diňledim harplap.
Gowy adamlaryň ýanna howlugyň,
Dymyp diňläň olaň sarpasyn saklap.

Ol adamlar zar däl tarypa, öwgä,
Olar zar däl reklamadyr afişa.
Gerek bolsa başyn salýandyr gowga,
Ol adamlar öň hatarda hemişe.

Olaň mydam gowulykda hyýaly,
Olar maňa gowulygy öwretdi.
Geçen ýowdan gorapdyrlar diýary,
Olaň işem, gürrüňlerem döwletli.

Gowy adamlaryň otüp deňinden,
Käte biz wasp etýäs it bilen guwy.
Ýöne meniň üçin goşgudan, guwdan,
Gowy adamlaryň barlygy gowy!

# «Ak leglek», 1986 ý.