Главная » 2020 » Aprel » 2 » Ine, görersiň...
20:17

Ine, görersiň...

INE, GÖRERSIÑ...

Harplar agladyp gördümi seni? Käteler ýeke özüň uzaga gitmek islediňmi? Näçe gezek arkaňdan ok atyp gördüler? Guşuň ganadynyň pasyrdaýşy ýaly, ýüregiň tebsireýärkä ganadyňy gyryp gördülermi? Ýa-da ruhuňy gabap gördülermi? Şatlanyp gördüňmi ýönekeý zada? Ýüregiňe ynanyp, beýniň azaşyp gördümi? Iň gowy häsiýetleriň sebäpli zyýan çekip gördüňmi? Nätanyş biri salam berip gördümi? Ejeňe, kakaňa seredip, içiňden: "Hudaýa şükür!" diýip gördüňmi? Doganyň kesellände aljyrap, özüňi ýitirip gördüňmi? Geljegiňi arzuw bilen bina edip, soňra bir-birden kerpiçlerini söküp gördüňmi? Aýtsana, niýetiňi çaga ýaly päk saklap gördüňmi?..
Muňa "Ýaşamak" diýýärler!..
Ýöne näme üçin meniň ruhum ejir çekýär şu wagt, edil şu pursat?! Biri gelip, ýüregimi alyp, mynçgalap-mynçgalap yzyna salan ýaly. Öňküligi däl...
Dünýeden giden bir ýakyn dostum bardy. Şonuň: "Ты главное верь!" diýen sözi ýaňlanýar gulagymda. Şol jadyly söze ynansam, öňkim ýaly bolarynmykam?! Men ynanmaly. Ine, görersiň, şol gün geler, durmuş bilen ýaraşaryn. Ene süýdüni emen ter günlerim ýadyma düşer. Gurbannazaryň güýzleri gaçybatalgam bolar. Olar, hamala, ter çagalygyň bigünä ýaýlasynda güýzden galan sary ýapraklar ýaly diňşirgenmegi we meýmiremegi ýatladar. Ine, görersiň...

Sapa HOMMADOW.
Категория: Oýlanmalar | Просмотров: 446 | Добавил: Pegas | Теги: Sapa Hommadоw | Рейтинг: 4.5/2
Awtoryň başga makalalary

Oýlanmalar bölümiň başga makalalary


Teswirleriň ählisi: 11
0
1 Akjemal  
243
ajayp oylanma, yone gynancly sad

0
2 Hаwеrаn  
245
Men-a okap name diyjegimem bilmedim...

0
3 Gumlygelin  
8
Men'ä ähli soraglara hawa diýip jogap berdim.

0
4 Jeksparro  
405
Oýlanmalar dünýäsine hoş geldiñiz!!!
confused

0
5 jumagylyjovao  
88
Biri gelip, ýüregimi alyp, mynçgalap-mynçgalap yzyna salan ýaly. 
Eger ol biri ýüregiňi alyp, mynçgalap-mynçgalap yzyna salmagy hökman däl saýyp giden ýaly bolan bolsa, has beter bolardy. Şoň üçinem "Ты главное верь!" sözüň ýanyndan "Alla beterinden saklasyn" diýen sözem goýmasaň ähli zat arzuw edişiňdenem has gowy bolar.  Ine, görersiň...

0
6 Jeksparro  
405
@jumagylyjovao, ondan başgada aytmaga zat kän, şol aydylanlaryñ birini ayyr bir zat yetmeyän ýaly bolar!

0
7 Bagabat  
43
"Harplar agladyp gördümi seni?". Güýçli jümle. Maňa-ha: "Birje harpy bir çynyň bilen ýüregiňden parran geçirip okap gördüňmi?" diýýän ýaly bolup eşidildi. Sag bol, ýetireniňe.

0
8 Türkana  
=(

0
9 jumagylyjovao  
88
@Jeksparro, eger bu oýlanmadaky her jümlä jogap berjek bolsak,onda ol her gün diňe şu tema barada ählimize bilelikde gürrüň etmäge-de ýetermikä diýýän. Sapa şeýleräk ýazmagy başarýanlaň biri. Sapaň öz sözi bilen aýdanyňda: "Muňa "Ýaşamak" diýýärler!.." Ýaşamak barada bolsa, üznüksiz pikir alyşyp bolýar.

0
10 Medine  
368
Şol gün haçan geler belki şugündir . Gowy oýlanma . Geçmişi bn yasayan adam bar ,gelejeginde yasayan adam bar.yone gowysy şuguninde yasamaly yaly.gecmisina gecdi gelejeginede umyt baglayan.

0
11 ezizh764  
356
Ýaşamak, onda-da nä ýaşamak..
@Wanessaa-nyñ "şu güniñ bilen ýaşamaly ýaly" diýeni dogry ýaly bolubam dur. Ýöne geçmişi unudaýmak añsadam däl. Kimiñ ýazany-ha ýadyma düşenok welin şu ýerde bir jümle oýuma gelýär "Geljegiñ gowy bolmagy üçin geçmişiñden sapak al, şu günüñ bilen göreş"..
Adamzat añ-düşünjesi näçe ösen hem bolsa bary bir geçmişinde ýalñyşlyklar bolan we şolardan sapak edinenlerdir.

Teswiri diňe saýta agza bolan ulanjylar goşup bilýär.
[ Agza bol | Saýta gir ]