07:45 Poeziýa agşamy / iki perdeli pýesa | |
POEZIÝA AGŞAMY
I-nji perde Oýna gatnaşýanlar: 1. M a g t y m g u l y P y r a g y . 2. M ä m m e t w e l i K e m i n e . 3. M o l l a n e p e s . 4. N u r m u h a m m e t A n d a l y p . 5. A n n a g y l y ç M ä t ä j i . 6. S e ý i t n a z a r S e ý d i . 7. G u r b a n d u r d y Z e l i l i . 8. T ü r k m e n i s t a n y ň ş a h y r l a r y . 9. Ç a g a l a r 10. A w ç y . 11. B a ş g a l a r . Sahnannyň perdesi açylmanka diktoryň sesi gelýär: Ýol çekip, suw çekip, ýaplar gazdylar, Gideliň biz atalaryň ýolundan. Bu türkmeniň taryhyny ýazdylar, Gideliň biz atalaryň ýolundan. Gadymyýetde Oguz, Görogly bardyr, Togrul beg, Alp Arslan—är ogly bardyr, Peder ykbalyna ýeňişler ýardyr, Gideliň biz atalaryň ýolundan. Pelleri depeliň, däne ekeliň, Şu topraga maňlaý deri dökeliň, Watanyň öňünde dyza çökeliň, Gideliň biz atalaryň ýolundan. Nusga edip dünýä Oguzkendini, Miras goýdy bize öwüt pendini, Mekdepdir olaryň her bir endigi, Gideliň biz atalaryň ýolundan. 1 (Türkmenistanyň dagly peýzažy—göm-gök baýylarynyň üstünde gyzyl gülälekler we arçalar ösüp otyr, daglaryň çür depesinde entek doly eremedik sähelçe gar galypdyr, çeşmäniň şildiräp akýan sesi dutaryň şirin owazy—Mylly Täçmyradowyň ýerine ýetiren “Humaralasy” bilen utgaşyp, sahnany doldurýar. Kerim Gurbannepesow bilen Berdinazar Hudaýnazarow elleri kagyzly tomaşaçylara bakyp öz goşgularyny okaýarlar ) K e r i m G u r b a n n e p e s o w . Şahyr! Şahyrlygyň çyn bolýan bolsa, Sönüp, ýanyp, ýene şonüp, ýanyp git. Ynsanlyk ýazgydyň çuň bolýan bolsa Gara ýere çumüp, çykyp, çümüp git. Hem akyl ber, hem iliňden akyl al. Kitapdan däl gara ýerden nakyl al. Alan zadyň demiň bilen ýakyp al, Soň ýene-de ýeriň süýdin emip git. Sorasaň aýdaýyn kyýamat nedir? Erkekler ownasa kyýamat—şodur. Her başy telpeklä goýmagyn gadyr. Bäş telpegi bir gyňaja daňyp git. Ỳene bir söz (magtanmak däl öwüt däl): Mazaryma daş oturtmak sargyt däl. Mele ýeriň astynda-da daş gyt däl, Bakylyk şol: Şol daşlara siňip git.2 B e r d i n a z a r H u d a ý n a z a r o w . Şahyra-da berlen ýekeje ýürek. Gudrat ol ýüregiň ýanýanlygynda. Ỳakýanlygynda. Gursagyna sorup halkyň namysyn Onuň bu apaty çekýänliginde. Magtymgulyň sözi bilen aýdaňda, Ony başartmaga kişi gerekdir. Beýle garamaty boýnuna alýan Beýikler kän däldir olar seýrekdir. Ỳerde doglup ýalkym bolup göterlen Pyragylar, kemineler, seýdiler. Şakyrdaşýan gylyçlaryň astynda Kükrek gerip dogry sözi diýdiler. Olar agyr günde ynanjyň boldy. Boldy arka dirän yranmaz gaýaň. ...Çyn şahyrlar özün aýap bilmeýär Rysgalyň haky üçin olary aýaň! 3 (B e r d i n a z a r H u d a ý n a z a r o w goşgusyny gutaryp barýarka sahnanyň aňyrsyndan aýdym sesi ýaňlanýar.) Körpelikde bile oýnap ulaldyk, Ỳatdan çykmaz gülüp bakan gözleriň. Ulaldyň, söýüşdik, bir dildar bolduk, Ỳatdan çykmaz söýüp bakan gözleriň. Ỳürekde yşk oduny ýakan gözleriň.4 K e r i m G u r b a n n e p e s o w . Ah-ow bu Garaň sesine meňzeş-le! (Aňyrdan G a r a S e ý i t l i ý e w eli gitaraly aýdym aýdyp gelýär.) G a r a S e ý i t l i ý e w . Gözüňe deň gelmez göz pyýalasy Söýdüm seni öz obamyň lälesi...4 K e r i m G u r b a n n e p e s o w . Gara, salawmaleýkim! B e r d i n a z a r H u d a ý n a z a r o w . Salawmaleýkim! G a r a S e ý i t l i ý e w . Waleýkimessalam ýigitler! Agşam nirä barmalydygyňyzy bilýäňizmi? K e r i m G u r b a n n e p e s o w , B e r d i n a z a r H u d a ý n a z a r o w (Ikisi iki ýerden). Hawa, hawa, poeziýa agşamyna. G a r a S e ý i t l i ý e w . Onda agşam duşuşýançak hoş! Maňa gyzlar garaşýar. (Aýdym aýdyp, tomaşyçylara baş egip gidýär.) Daň şemaly öper oýnar zülpüňi, Men oýnasam:—Sen oýnama—diýýärsiň. Daň şemaly topar oýnar zülpüňi, Taryp etsem:—Sen aýnama—diýýärsiň. 5 (G a r a S e ý i t l i ý e w gidýär. K e r i m G u r b a n n e p e s o w bilen B e r d i n a z a r H u d a ý n a z a r o w hem tomaşyçylara baş egip gidýärler.) Sahnanyň bir burçundan başga burçuna, gözi äýnekli, eli bir top kagyzly, aladaly görnüşde, R a h m e t S e ý i d o w haýdap barýar. Sahnanyň başga burçunda bir awçy çenenip tüpeň atjak bolup onyr. R a h m e t S e ý i d o w (awça ýüzlenip). Awçy atma jereni! Onda uly arzuw bar Intizar ol, gör ony Ol kanala garaşýar. Awçy atma jereni! Onda gowy arzuw bar Gowy arzuwy seni Etsin oňa rehimdar! 6 ( A w ç y tüpeňiň mäşesini gysýar, “tark”, “tark”—tüpeňiň sesi ýaňlanýar. A w ç y başyny ýaýkap gidýär, R a h m e t S e ý i d o w äýnegini düzedip, öz ýoly bilen gidýär. Tüpeň atylan tarapdan G u r b a n n a z a r E z i z o w gelýär, goltugynda kitap bilen kagyzlar bar. Sahnanyň gabat burçundan A n n a b e r d i A g a b a ý e w gelýär. Dostlar gujaklaşyp görüşýärler). A n n a b e r d i A g a b a ý e w . Dostum eliňdäki näme? G u r b a n n a z a r E z i z o w . Ynha, bu-la seniň kitabyň! (G u r b a n n a z a r E z i z o w ýüzi ullakan sorag belgili A n n a b e r d i A g a b a ý e w i ň kitabyny çykarýar.) Ynha, bu-da kitabyňa syn! (Ullakan ýüzlenme belgisi çekilen plakaty çykarýar, aşagynda “Gurbannazar Ezizow” ýazgysy bar.) A n n a b e r d i A g a b a ý e w . Ỳigitleň içinde ýigit gözlense, Her haçan şu hili bagt gözlense, Saňa meniň gözlerimden gitme ýok Saňa meniň sözlerimden gitme ýok.7 G u r b a n n a z a r E z i z o w . Ỳör, dost poeziýa agşamyndan gijä galmaly! (G u r b a n n a z a r E z i z o w bilen A n n a b e r d i A g a b a ý e w aýdym aýdyp gidýärler.): Dutar alyp çyksaň dünýä seýrana, Dünýä ýüzi galar saňa haýrana. Aýdymlaryň nuranadan nurana, Magrupdan Maşryga dolsana bagşy!8 Sahnanyň bir burçundan şahyr gelin-gyzlar (A k j e m a l O m a r o w a , G ö z e l Ş a g u l y ý e w a , N ä z i k A n n a t y ý e w a , S o n a Ỳ a z o w a dagy gelýärler, sahnanyň beýleki burçundan bolsa A t a m y r a t A t a b a ý e w bilen B i b i O r a z d u r d y ý e w a dagy) gelýärler. A t a m y r a t A t a b a ý e w . Är-aýalyň arasynda Şeýleräk şert bolmaly Aýal-a berk bolmaly B i b i O r a z d u r d y ý e w a . Erkegem mert bolmaly. A k j e m a l O m a r o w a . Şahyryň sözem pert bolmaly (B i b i O r a z d u r d y ý e w a gelin-gyzlar bilen gujaklaşyp görüşýär.) A t a m y r a t A t a b a ý e w . Salam gyzlar! Baýramyňyz gutly bolsun! Sizi görenime örän şat! Wah, arman gyssanýan-da, agşama çenli sag boluň gyzlar! B i b i O r a z d u r d y ý e w a . Mydama ýetişiksiz gara gündedir. (A t a m y r a t A t a b a ý e w gidýär.) A k j e m a l O m a r o w a . Gyzlar meniň şu goşgymy neneň görýäňiz!? Dag gerşinde ýatan garlar ereýär Gyzlar topar bolup seýle çykanda. Iň çytyk adam hem bakyp ýylgyrýar Gyzlar topar bolup seýle çykanda.9 N ä z i k A n n a t y ý e w a . Örän gowy Hany meniňki nähili bolupdyr!? Hiç wagt kemsitmäň gözel ýarlary Oňa derek söýüň, Apalaň, Öpüň Goraň namysyny intizarlaryň Başarsanyz olaň göwnüni tapyň. Hiç wagt, hiç wagt Aýal jynsynyň Bagryn paralamaň Kalbyny dilmäň! Olar size gulak asyp bilýäarmi— Diýmek öňi bilen şolary diňläň!10 B i b i O r a z d u r d y ý e w a . Ynjytmaň siz aýallary Köýüň olaň näz-mährine. Kemsidilip, harlanmasa Wepalydyrlar ähdine. Ynjytmaň siz aýallary Saklaň ony päkligine. ...Bir gün ölüp ýeňip bolmaz, Ol bir sapar etse günä.11 G ö z e l Ş a g u l y ý e w a . Ötüren ýyllarym düzüm-düzümmi, Ỳaşlygym siz, ýüzüňizde ýüzümmi?! Terlenen ýaňaklar süýjän üzümmi, Üzümiň suwundan ýasalan gyzlar. Gatykdanmy, ak süytdenmi bedenňiz, Edep gören enedenmi edebiňiz, Göwünlere ylaýykdyr edeniňiz Iş diýip işige ir basan gyzlar.12 G a r a S e ý i t l i ý e w gelýär G a r a S e ý i t l i ý e w (“Daň şemalyny” hiňlenip gelýär. Ol gyzlaryň birine ýüzlenip, goşgy okaýar) Güller gözelligi senden öwrener Göz degmesin, Gülüm, gül çagyň seniň. Agşamyň şapagy sönük görüner, Säheriň şapagy ýaňagyň seniň. Gözleriňe baka bilmen bakaňda...13 G ö z e l Ş a gu l y ý e w a . (G a r a S e ý i t l i ý e w i ň sözüni bölýär.) Halypam, ol gyz zanýat—d a... G a r a S e ý i t l i ý e w . Wah, keýigim, özüm gara bolsamam, meniň ýüregim siziň üçin garadanam akdyr. (G a r a S e ý i t l i ý e w şahyr gelin-gyzlar bilen “Daň şemalyny” aýdyp gidýärler.) Türkmenistanyň at gazanan bagşysy Gurbannazar Nurymowyň ýerine ýetirmeginde “Galan ýar” sazy ýaňlanýar. Sahnanyň bir burçundan A n d a l y p , beýleki burçundan M o l l a n e p e s gelýärler. M o l l a n e p e s (tomaşaçylara garap). Pelek, sen ýortar sen dünýä älemi, Rumustanyň şasy, gülüm amanmy? Habar bergil, takat eýläp silimi, Maru-Şahu-Jahan ýurdum amanmy? Niçe uzak ýollar düşdi bu ara, Gamda galan janym goýdum azara, Musulman sütüni şähri—Buhara, Hak Resuly, tutan ýolum amanmy? A n d a l y p (tomaşaçylara garap). Ismim idi Nurmuhammet Garyp Sözle tahallusym idi Andalyp Şährimiz Ürgenç welaýat idi Hanymyz Şahgazy hemaýat idi Asly mekanym ki Garamazydyr, Adamy eşretde gyşu-ýazydyr. M o l l a n e p e s . Essalawmaleýkim halypam! A n d a l y p . Waleýkiessalam! Inim Mollanepes, sag-amanmy? (Ikisi elleşip görüşýärler, soňra gujaklaşýarlar.) Ulus-iller amanmy? M o l l a n e p e s . Hudaýa müňde bir şükür. Siziň iller hem amanmy? A n d a l y p . Köp dogaý salam iberdiler. M o l l a n e p e s . Salamy iberenem, salamy gowşuranam esen bolsunlar! Sahnanyň bir burçundan K e m i n e täzeje possunly gelýär K e m i n e . Essalamu aleýkum we rahmatullahi we berakatu! A n d a l y p . Waleýkiessalam! M o l l a n e p e s . Molla Kemine, salawmaleýkim! Ugur haýyr bola? K e m i n e . Waleýkiessalam, Nepes inim! Şu gün paýtagtda şygyryýet baýramçylygy geçjekmişin, çakylyk ugratdylar, eminleriň agzasy bolmaly diýdiler. A n d a l y p , M o l l a n e p e s (ikisi bilelikde). Bizi hem şol toýa çagyrdylar. K e m i n e . Bu toýa Magtymguly Pyragy hem geljekmiş. A n d a l y p . Onsuz şygyryýet baýramçylygynyň geçmejegi hemmä mälim. M o l l a n e p e s . Molla Kemine, tüýüňiz-ä täzeläpsiňiz, täze possunyňyz gutly bolsun! Nireden aldyňyz? K e m i n e . “Nireden aldyň?” diýip ogra aýdylýandyr. Hemaýatkärlerim, şu döwürde şolara näme diýýarler-ä? Hä, ysponsyrlarym sowgat etdiler. Olar paýtagta gitjegimi eşdişip, diňe possun däl, täzeje donam berdiler. Ynha! (K e m i n e posssunyny açyp, donuny görkezýär.) Okyjylarymam begenerler—Kemine ahyryn garyplykdan çykypdyr diýip. M ä t ä j i haýdap gelýär M ä t ä j i . Toýda tozsun! K e m i n e . Haw, Annagylyç, inim, toýlarda tozsun diýeweri how senem. Her toýa ysponsory men nireden tapaýyn. (Şahyrlar ilki elleşip soňra bolsa gujaklaşyp görüşýärler.) M a g t y m g u l y P y r a g y gelýär M a g t y m g u l y P y r a g y (Tomaşaçylara garap). Türkmenler baglasa bir ýere bili, Gurudar Gulzumy, derýaýy—Nili, Teke, ýomut, gökleň, ýazyr, alili Bir döwlete gulluk etsek bäşimiz. (Şahyrlar M a g t y m g u l y P y r a g y bilen görüşýärler, saglyk-amanlyk soraşýarlar.) M a g t y m g u l y P y r a g y . Şahyrlar! Biziň topragymyza-da Beýik Allatagallanyň rehimli nazary düşdi. Biziň beýik halkymyzyň asyrlarboýy arzuw edip, ýüreginde besläp ýören maksadyna ýetdi—biziň Türkmenistan Watanymyz Garaşsyz, Bitarap boldy, ýurdumyzyň ady-owazasy dünýä ýaýrady, öňki dagynyk halkymyzyň indi ýeke-täk patyşasy bar (Allatagalla oňa kuwwat bersin, tutan işini rowaç kylsyn), ilatymyz arkaýyn ýatyp-turýar—ýurtda parahatçylyk, adamlar erkin dem alyp, erkana zähmet çekýärler. Garyplyk ýok, açlyk ýok, jebir-sütem, zorluk ýok; aýralyk ýok...( M a g t y m g u l y gözleriniň ýaşyny elýaglygy bilen süpürýär.) Dana men diýip, misginleri unutma, Afzal men diýip, namartlara baş gatma, Erk isleýip ajap dessanyň satma, Iliňe bagş eýläp ötgül Pyragy. (Hemmesi gidýärler). Sahnanyň bir burçundan ok-ýaýly, bili gylyçly, sowut geýinen S e ý d i gelýär S e ý d i . Watan üçin çykdym gyrat üstüne Tä janym çykynça dönmenem begler! Dikdir serim, düşmen duşman astyna Sil deý aksa, gandan ganmaanam begler! Ilim üçin şirin jandan geçer men, Düldül münüp, ganat baglap uçar men, Namart dälem, Hakdan kasam içer men, Ỳanyp duran nar men sönmenem begler! Sahnanyň beýleki burçundan Z e l i l i gelýär Z e l i l i . Ỳürek talwas eder, göterler serim Köňül arzuw eýlär, Watanym seni! Etrek, Gürgen ýurdum-gezen ýerlerim, Köňül arzuw eýlär, Watanym seni! Sugunly, umgaly, çal goçly daglar, Belentden pestine akan bulaglar, Sowuk suwly, ter çemenli awlaglar Köňül arzuw eýlär, Watanym seni! (Z e l i l i S e ý d i n i görüp, gujagyny açyp ylgaýar, olar gujaklaşyp görüşýärler, biri-biriniň daşyndan aýlanýarlar.) S e ý d i . Salam dostum! Z e l i l i . Salam gadyrdanym! S e ý d i . Pelek biziň ykbalymyzy deňräk çatypdyr öýdýän, ikimizi uzak aýrylyşdyrman ýene-de duşurdy. Z e l i l i . Hak aýdýaň gardaş! Ugur nirä? S e ý d i . Men-ä paýtagta şu çakylyk bilen geldim (S e ý d i goltuk üsinden çakylyk hatyny çykarýar.) Şygyrýet baýramçylygynda ýaş şahyrlar çykyş etjekmişler, emin agzasy bolup ber diýip haýyş etdiler. Z e l i l i . Seniňki ýaly çakylyk maňa-da gowuşdy. S e ý d i . Dostum men-ä rugsat sorap gidäýmesem, beglerim garaşyp durlar. Z e l i l i . Dostum sen nirä gitseň, men hem seniň bilen. S e ý d i . Ỳör onda, biz bu ýerde güýmensek gijä galarys! Z e l i l i . Ỳör, gideli! (S e ý d i bilen Z e l i l i gidýärler.) Sahna iki sany ýetginjek—K a ý u m T a ň r y g u l y ý e w bilen N u r y B a ý r a m o w gelýärler. Olaryň ellerinde düýrlenen watman kagyzlary hem-de goşgy ýazylan depderleri bar K a ý u m T a ň r y g u l y ý e w . Eý, Nury! Şygyrýet baýramçylygy şu ýerde geçýäninden seniň habaryň barmy? N u r y B a ý r a m o w . Wah, bilýän-le, ýöne gögele görüp, bizi bu taýyk goýbermezler. K a ý u m T a ň r y g u l y ý e w . Gel onda, emin agzalary gelýänçäler, çagalary güýmäli! N u r y B a ý r a m o w . Iň süýji zat nämedir? K a ý u m T a ň r y g u l y ý e w . Dostuň bilen duşuşmak. N u r y B a ý r a m o w . Iň ajy zat nämedir? K a ý u m T a ň r y g u l y ý e w . Dostuňdan aýra düşmek. N u r y B a ý r a m o w . Ỳagşylyk diýmek näme? K a ý u m T a ň r y g u l y ý e w . Ejeňi begendirmek. N u r y B a ý r a m o w . Ỳamanlyk diýmek näme? K a ý u m T a ň r y g u l y ý e w . Ejeňi elendirmek.14 (Tomaşyçylara ýüzlenip.) Hany, çagalar men size tapmaça aýdaýyn welin, jogabyny biliň! Dogry jogaby kim köp bilse, şoňa kemput berjek. (K a ý u m T a ň r y g u l y ý e w eline goşguly kagyzyny alyp okap başlaýar.) Ỳüzi dişlidir Tomus işlidir Ot-çöp ormaga Ol gaty gerek Diýerler onuň Adyna... (N u r y B a ý r a m o w K a ý u m T a ň r y g u l y ý e w i ň arkasynda duran ýerinden tomaşaçylara tapmaçalaryň jogaplaryny eli bilen düşündirýär.) Gerekdir mydam Gawun ekeňde. Ỳer depjek bolsaň Ỳa gum dökeňde. Ỳykaňda çili Alýansyň... Hany, çagalar hämmeňiz hor bolup aýdyň! Goýun soýmaga Garpyz iýeňde Dograňda paçak Gerekdir... Demirden çüýden üstün çykyjy Sesi hemmäniň ünsün çekiji Seslener günde ussaň... (K a ý u m T a ň r y g u l y ý e w N u r y B a ý r a m o w y ň tomaşaçylara tapmaçalaryň jogaplaryny gizlinlik bilen aýdýanlygyny aňyp, oňa ýumrugyny çeneýär.) Çüýi tutdugy Sypdyrmaz agzy Çekijiň dosty Ady... Işlände saklap Bilmez badyny Owradar derrew Gujak oduny Söýmez ýaltany Getir... Ỳaňlanar owaz Kakylsa tary Toýlarda gezer Türkmen...15 Berekella çagalar! Hany, indi dostumyň tapmaçalaryny hem biljek boluň! N u r y B a ý r a m o w (eline goşguly kagyzyny alyp okap başlaýar). Säher çagy saýraýar Sesi baga ýaýraýar Söýýäni bahar güldür Onuň ady... Aňzak sowgy duýmaz ol Tomsa yssy diýmez ol Lybasy gök parçadyr Bilseň ady... (K a ý u m T a ň r y g u l y ý e w N u r y B a ý r a m o w y ň arkasynda durup, tomaşaçylara tapmaçalaryň atlaryny uly harplar bilen ýazylan watman kagyzyny görkezýär.) Berekella, berekella! Al-asmanda oýnaýar Ganat kakyp ýaýnaýar Getir dostum depderi (N u r y B a ý r a m ow a elini uzadan-da, onuň kagyzyň ýüzünde kepderiniň suratyny görüp, başyny ýaýkaýar, N u r y B a ý r a m ow plakaty arkasynda gizlejek bolýar.) Onuň ady... Pasyllaryň gözeli Gül-pürçükdir, sazdyr ol Aýt, adyn ýazaly, Joşgun silli... ol Gawundan-a güli kän Durşuna gül-gunçadyr Erik bilen deň bişer Ady onuň... Dänesine aşykdyr Zähmetsöýer garynja Bedesinden malym hoş Ady onuň...16 Sahna M a g t y m g u l y P y r a g y , K e m i n e , M o l l a n e p e s, A n d a l y p, M ä t ä j i dagy gelýärler we ýuwaşlyk bilen özleri üçin taýýarlanyp goýulan ýerlerine geçip oturýarlar. N u r y B a ý r a m o w . Berekella, berekella! Tüweleme, tüweleme! Hany, Kaýum çagalara kemput berjek diýdiň-ä, paýla-da indi paýlaýan bolsaň! (N u r y B a ý r a m o w K a ý u m T a ň r y g u- l y ý e w e tarap öwrülende, halypa şahyrlary görüp, agzyny açyp, doňup galýar. K a ý u m T a ň r y g u l y ý e w hem yzyna öwrülýär) N u r y B a ý r a m o w . Salawmaleýkim! K a ý u m T a ň r y g u l y ý e w . Salawmaleýkim! (K a ý u m T a ň r y g u l y ý e w bilen N u r y B a ý r a m o w halypalara baş egýärler.) M ä t ä j i (oturan ýerinden). Tüweleme, tüweleme, tüf, tüf, tüf! K e m i n e . Başlangyj-a ýaman däl, yhlasly oglanlar. Ỳigitler Alla size ýar bolsun! M a g t y m g u l y P y r a g y . Galamyňyz ötgür bolsun! (N u r y B a ý r a m o w bilen K a ý u m T a ň r y g u l y ý e w eminlere baş egip gidýärler. Sahnanyň aňyrsyndan Annaberdi Atdanowyň aýdan aýdymy ýaňlanýar. ) Bahar güller açanda, Saýrap guşlar uçanda, Güneş nurun saçanda, Janym gözledim seni. Ỳodalardan, ýollardan, Uzak-uzak illerden, Gülälekli gollardan, Gülüm gözledim seni.17 (Sahna A n n a s o l t a n K e k i l o w a gelýär we halypa şahyrlaryň barlygyndan bihabar, tomaşaçylara bakyp goşgy okaýar) A n n a s o l t a n K e k i l o w a . Owadan siz gyzlar, gözel siz gyzlar Siz gülleň eýesi, guşlaň eýesi! Hüşermäň oglanlar, göriplik etmäň! Gözellik gyzlaryň baky mirasy.18 (Sahnanyň bir burçundan halypa şahyrlaryň barlygyndan bihabar, Ş ä h r i b o s s a n A r z y g ü l A m a n l y ý e w a n y ň elinden tutup gelýär, olar A n n a s o l t a n K e k i l o w a bilen görüşýärler) A r z y g ü l A m a n l y ý e w a (A n n a s o l t a n K e k i l o w a ýüzlenip ). Jora jan, halypalar gelmänkä täze ýazan goşgularymyň birini saňa okap beräýeýin! A n n a s o l t a n K e k i l o w a . Elbetde jora jan! Okap ber diňläli! A r z y g ü l A m a n l y ý e w a. Barmaklam mätäç däl gyzyl ýüzüge, Dökülýän mahaly elimden dürüň, Müň dürli hünäre gelip ýör hötde Ỳüpekden keşdeläp ümbilmez ýerim. Owadan köwüşi geýmen aýagym Öpýärkä sähramyň elwan gülleri, Owadan eşigi geýmen bezenip, Guçýarka ýaşlygyň saba ýelleri. Çünki men bezelgi, içki dünýämi Hiç hili bezege çalyşyp bilmen. Şol dünýäm kömürden gara bolanda Hiç wagt, hiç wagt owadan bolman.19 Gyzlaryň ýanyna A n d a l y p gelýär. A n d a l y p . Jigilem salam! (Gyzlar ör-gökden gelýärler.) A n n a s o l t a n K e k i l o w a , A r z y g ü l A m a n l y ý e w a , Ş ä h r i b o s s a n (Üçüsi birlikde). Salam sygyrýet äleminiň bilbili—Nurmuhammet Ahdalyp! (Baýyryň üstüne ýazylan halynyň üstünde oturan halypa şahyrlara gözleri düşüp, gyzlar olara baş egip salam berýärler.) A n d a l y p . Jigilem enaýy goşgular-a ýazýan ekeni, siziň adyňyz näme? A n n a s o l t a n K e k i l o w a . Annasoltan Aman gyzy Kekilowa A r z y g ü l A m a n l y ý e w a . Arzygül Amanlyýewa A n d a l y p (Ş ä h r i b o s s a n a tarap elini uzadyp). Bu gyzjagaz seniň uýaňmy? A r z y g ü l A m a n l y ý e w a . Hawa. A n d a l y p (Ş ä h r i b o s s a n a ýüzlenip). Seniň adyň näme? Ş ä h r i b o s s a n (Tolgunyp). Şähribossan. A n d a l y p . Senem goşgy düzýärmiň? Ş ä h r i b o s s a n (Çekinjeňlik bilen). Hawa. Wiý, ýok...Käwagt.. A r z y g ü l A m a n l y ý e w a . (Halypalara ýüzlenip). Eger garşy bolmasaňyz bu gyzjagazy hem diňläýeliň! (Halypa şähyrlar teklibi makullaýandyklaryny bildirip başlaryny atýarlar.) Hany öz ýazan goşgularyňdan iň gowy görýäniňi okap ber! Ş ä h r i b o s s a n (Depderini açyp goşgy okaýar). Men ýaňraryn dile gelen zatlary Ỳagyş ýere gelip, dyza çökende. Kesim-kesim edip asmanyň garnyn Porhan bolup ak ýyldyrym çakanda. Men dymaryn, ahmyr bilen dymaryn, Gargamaryn, umytlarmy çürkände. Giderin ses-üýnsüz pelek burçuna, Hesretlermi hopba edip arkama. Arman maňa düşünmezler wagtynda, Gyýylaryn, gözýaşlarymy seçerin, Wah, men bu dünýeden, pany dünýeden, Çözmesi kyn matal bolup geçerin. 20 (A n d a l y p (A n n a s o l t a n y ň , A r z y g ü l ü ň , Ş ä h r i b o s s a n y ň saçlaryny sypalaýar ). Bagtly boluň gyzlarym! Baryň, Alla ýaryňyz bolsun! (A n n a s o l t a n K e k i l o w a , A r z y g ü l A m a n l y ý e w a , Ş ä h r i b o s s a n gidýärler.) S e ý d i bilen Z e l i l i gelýärler S e ý d i , Z e l i l i (Ikisi bilikde). Essalawmaleýkim şahyr gardaşlar! Baýramyňyz gutly-mübärek bolsun! (Şahyrlar elleşip görüşýärler.) S e ý d i . Siziň bilen näler oturyp, derdineşesim gelýär welin, arman wagtym çakli-dä. Halypalar rugsat berseňiz men ýola rowana bolaýyn, beglerim garaşyp durlar, biz gije-gündiz Watan goragynda, türkmen halkymyň parahat durmuşynyň goragynda. Z e l i l i . Daýy, rugsat bolsa menem dostumdan galmaýyn. M a g t y m g u l y P y r a g y . Dostuňy egleme nepden galmasyn. Ỳigitlere rugsat beräýeliňmi? K e m i n e . Haýyr iş üçin elbetde. M a g t y m g u l y P y r a g y . Ỳigidiň dünýäde üçdür myrady Mahbup ýagşy, ýarag ýagşy, at ýagşy. K e m i n e . Seýitnazar, inim, Oraz serdara köp dogaý salam aýt! S e ý d i . Oňararyn, molla aga! (S e ý d i bilen Z e l i l i gidýärler.) M a g t y m g u l y P y r a g y . Ol ýigitler görde ýagşy Başy gowgaly bolmasa (Sahnanyň yşygy ýuwaş-ýuwaşdan öçýär) I-nji Perdäniň soňy Kakajan BALKANOW. 2015 ý. | |
|
Teswirleriň ählisi: 0 | |