"Kim men?"-diýip, sorag berip özüme,
Käte ýitiräýsem özümi, özüm.
Ejeme ýüzlenýän "Dünýä indirip,
Edenje tamañy, edenli gyzyñ,
ödedimi? Ýa paşmadyk arzuwyn,
Aýdyp jigeriñi dagladymy ýa?
Çeken armanyma näzik ýüregiñ,
Meñkiden has beter agladymy ýa?
Akymynda "Durmuş''atly derýanyñ,
Senden uzaklara gaýdanam bolsam.
Meñ üçin her säher kyblaña bakyp,
Etýän dilegleriñ goý, kabul bolsun.
Çaga deý ynanjañ, sadaja kakam,
Sadalygy senden alan ekenim.
Obada, garypja çatmañ üstünde,
Bilýäñmi, abraýdan baýdak dikenim.
Kaka, ol baýdagy señ üçin dikdim,
Ölçenmeýär oñ bahasy zer bilen.
Saña başga zady rowa görmedim,
Ekläniñe mañlaýdaky der bilen.
Indi bolsa pata berip ugradan,
Ak ýoluñdan ýöräp barýan gyzyña
Seret, soraglardan ýegşerip barýar,
Sorag berip özgä däl-de özüne.
Elimden gelýänje aklygym bilen,
Ödedimmi ezizlermiñ ynamyn?
Köýen badyhowa arzuwlam üçin,
Wah, jigerin dagladym-la enemiñ.
Diýip, bu ömrümiñ gaýtargysyny,
Az görüp özümden jeza çekýärin.
Bagyşla pederim, bagyşla eje,
Öñki-soñky hatalarny dikraryñ.
Gyzylgül ANNAGYLYJOWA.
|
0
