16:44 Köz keteniñi | |
KÖZ KETENIÑI
Goý, özgeler geýsin islän lybasyn, Sen geýip çyk şu gün köz keteniňi. Dökülsin üstünden nogta saçlaryň, Geýip çyk şol gadym öz keteniňi! Jemalyň meňzesin gyzyl şapaga, Gülýakaň gaşlary ýansyn ýyldyz deý. Ýigitleriň gözi gidip keşbiňe, Seni ýüzlerine sylsa-sylsyn, goý. Ýaşyl baýyrlara çykaly bile, Guşlaň ganaty deý galgasyn öýmäň. Durnagöz çeşmeler bahyllyk bilen Suratymyz alsyn, kemini goýman. Gideli ýör, görüp seniň keşbiňi, Ýüzüňi, gözüňi ýelpesin ýeller. Gülli meýdanlara edeli seýran, Aýaklaň tozuny öpsün ter güller. Hem aýdym aýdaly, goý, ol gandyrsyn Ähli juwan ýürekleriň teşnesin. Diňläp gyz-gelinler aýdymlarmyzy, Söýüp, çekibersin söýgi keşdesin. Goý, özgeler geýsin islän lybasyn, Sen geýip çyk şu gün köz keteniňi. Ýaýdanma, uýalma, gel sen, bilsinler Meniň saňa, Seniň maňa ýetenňi. Şadurdy ÇARYGULYÝEW. 1974 ý. | |
|
√ Mähremlikden nyşan sen... / Goşgular - 08.05.2024 |
√ Rubagylar / Goşgular - 01.01.2024 |
√ At galar / Goşgular - 11.02.2024 |
√ "At bilen kowalap gördüler ony..." / Goşgular - 01.01.2024 |
√ Ýolbars we Möjek / basnýa / Goşgular - 05.01.2024 |
√ "Garrap ýörünmi ýa men..." / Goşgular - 01.01.2024 |
√ Salam, Türkmenistan! / Goşgular - 01.01.2024 |
√ Siziñki / Goşgular - 30.01.2024 |
√ Puluň başarnygy barada agymtyl goşgy / Goşgular - 10.01.2024 |
√ Perişan kalbyñ umydy / Goşgular - 01.01.2024 |
Teswirleriň ählisi: 2 | ||
| ||