Leýlisaç

LEÝLISAÇ

Bendiwan eýleýär kümüş tarlaryñ,
Ajapdan sünnäläp, beripsiñ timar.
Synada sönmeýän yşky barlaryñ
Ýaşlygna äkidip,
Eýleýäñ bimar.

Zyba zülpleriñi galgadyp her dem,
Mylaýym ýel bilen gurañda oýun.
Kakabaş jahyl deý geçirýän serden,
Odugýan silleriñ çyrpynşy deýin.

Durkuñ eýlenipdir edep-ekrama,
Nowjuwan gyz deýin kamatyñ-kaddyñ.
Sen aşyklar bilen şeýle görkana,
Sen yşk bolup dünýäñ kalbynda bitdiñ.

Ýaban SAPAROW.