Magtymguly Pyragy

MAGTYMGULY PYRAGY

Şygyrlaryň halkyň kalbyna bagly,
Arzuwyňda halkyň ýagty ykbaly,
Ajaýyp toprakda bagtly ýaşamak,
Wysal umytlaňda jemlendi bary.

Watana bagş edip açdyň dünýäni,
Söýgüli dünýäňde aýdym-saz bolduň.
Arzuw edip şeýle gözel eýýamy
Nesilleň aňynda ömürlik galdyň.

Akyldar hem ussat beýik Pyragy,
“Tapmady akybet derde dermany”.
Diýen setirleňde janlansa-da, gör,
Şygryň ýagtylygyň öçmez çyragy.

Ýagşy umyt, päk arzuwlar oýaran,
Akyldar hem Dana eziz Pyragy!
Halkyň beýik ruhun şygra siňdiren
Parasatly Magtymguly Pyragy.

Şagözel ARAZKLYÇEWA,
Döwletmämmet Azady adyndaky Türkmen milli dünýä dilleri institutynyň talyby.