Men

MEN

Men bir dünýä — ýer astynda gömülen,
Atalaryň gany, ene gözýaşy
damyp dur üstümden.
Solak görüner
bärden belent asman — görkana, naşy.

Men — söýgüde ýanan gyzyň armany,
Men — sowuk-harasat — gyşdan öň gelen.
Men — dost bazarynda gaty arzany,
Bahar pasly gurap galan töňňe men.

Men — atam pahyryň soňky göreni,
Gözlerine batdym Ezraýyldan öň.
Men — ýetimiň kemsidilen ýüregi,
Ezildim keç ykbal ezmäninden öň.

Men — gözýaş syrygan enäniň meňzi,
Hem hasratdan doly ýarymgöwün men...
...Öz-özümden geçip, berjek elimi,
Men deýin "MEN" çyksa bir gün öňümden.

Nazar HANMEDOW.