21:01 Moskwadan görýärler | |
MOSKWADAN GÖRÝÄRLER*
(Baý döwletleriñ töhmetleri) Gün dogsa äleme düşýär ýagtysy - Baý döwletler Moskwadan görýärler; Ýagtydan paý alsa belendi-pesi - Paýlanany Moskwadan görýärler. Zulum edip, milletleri basýarlar, Urýarlar, sögýärler, dardan asýarlar, Işçileriñ ýüzläp başyn kesýärler - Iş taşlansa, Moskwadan görýärler. Milleti gyrýarlar tüpeñ, top atyp, Ýetim, ýesir edip, mal ýaly satyp, Garşylyk görkezse biri baş tutup, - "Bozgaklygy" Moskwadan görýärler. Mazlumlar nalasy asmana ýetýär, Içleri ot alyp, tutaşyp gidýär, Moskow öz işinde, size näme edýär? - Mazlum zaryn Moskwadan görýärler. Ýurtbasarlar gabyrlaryn gazýarlar, Ýarag bilen millet baryn ezýärler, Keýpleri üçin milýon jana dözýärler, - Ýene baryn Moskwadan görýärler. Azatlyk gününiñ dañy atypdyr, Aga-baýarlygyñ döwri ötüpdir, Mazlum iller baý bogazyn tutupdyr, - Bogulýan Moskwadan görýärler. Maýadarlar günbe-günden gynanýar, Möhleti azalýar, janlary ýanýar, Çabalanýar, çar tarapdan synanýar, - Jan ajygyn Moskwadan görýärler. Ýanwar, 1929 ý. _________________ Goşgy gysgaldylyp alyndy. | |
|
√ Konfusiý / Goşgular - 13.05.2024 |
√ Hakyky şahyr / Goşgular - 08.05.2024 |
√ Estagfurullaly bentler / Goşgular - 14.02.2024 |
√ "Diýdiñ: Gelin bolup görkezeýinmi?.." / Goşgular - 14.02.2024 |
√ Puluň başarnygy barada agymtyl goşgy / Goşgular - 10.01.2024 |
√ Rubagylar / Goşgular - 01.01.2024 |
√ Was-wasylara... / Goşgular - 23.01.2024 |
√ Günüñ monology / Goşgular - 01.01.2024 |
√ "Gelin jan..." / Goşgular - 26.03.2024 |
√ Ýolbars we Möjek / basnýa / Goşgular - 05.01.2024 |
Teswirleriň ählisi: 0 | |