16:10 Orunbasar | |
ORUNBASAR
Illeñki dek, oñam dünýä gelende, Familiýasy bardy, ady-da bardy. Dünýä bilen hoşlaşmaly bolanda, Oñ galdyran ady "Orunbasardy". Otuz ýyl ýaşady täze at bilen, Täze arzuw bilen ätdi ädimin. Emma otuz ýyllap çykarmady ol, Çal çäkmenin hem-de brezent ädigin. Ýer bilen gürleşdi, gürleşdi mydam, Açdy heniz açylmadyk syrlary. Ondan tälim alyp, alkyş okady Obanyñ onlarça brigadirleri. Galstukly, şlýapaly başlygam Onuñ bilen jedelleşdi, gürleşdi. Kä haýbat atsa-da, Gaşyn çytsa-da, Täze ätjek ädimine garaşdy. Oñ täze ädimi şöhrat getirdi Käte brigadire, käte başlyga. (Öwünmäge, öwdürmäge ökdeleñ, Il içinde meşhur bolşy başga-la). Ömründe bir sapar ady agzalan Makalanam görmedi ol gazetde. (Öwünmäge, öwdürmäge özüni Tapardy islese wagtam, elbetde). Ýöne o zatlara mätäç däldi ol, Özi hakda dymýan bir belent dagdy. Obanyñ alkyşlap dakan şol ady Onuñ üçin ýalñyz, beýik sylagdy. Hawa, illeñki dek dünýä gelende, Oñam familiýasy hem ady bardy. Dünýä bilen hoşlaşmaly bolanda, Oñ galdyran ady "Orunbasardy". Italmaz NURYÝEW. | |
|
√ Ak buýnuzly ak maral / Goşgular - 01.01.2024 |
√ Käbir aýallara melek diýýäñiz / Goşgular - 04.02.2024 |
√ "Diýdiñ: Gelin bolup görkezeýinmi?.." / Goşgular - 14.02.2024 |
√ Gökdepäm / Goşgular - 22.03.2024 |
√ Tilki bilen üzüm / basnýa / Goşgular - 10.01.2024 |
√ Göreş / Goşgular - 11.02.2024 |
√ Nokat / Goşgular - 28.01.2024 |
√ Owadan pyçak hakynda erteki / Goşgular - 09.04.2024 |
√ Kyrk ýaşa ýeteniñde / Goşgular - 03.02.2024 |
√ Sowuk söz / Goşgular - 31.01.2024 |
Teswirleriň ählisi: 1 | |
| |