Главная » 2021 » Mart » 26 » Öten agşam
10:07

Öten agşam

ÖTEN AGŞAM

Öten agşam ýagyş ýagdy şybyrdap,
Säher tursam, duman dagy öpüpdir.
Haýbatly sil gamçysyny bulaýlap
Derýaň köprüsinden aşyr atypdyr.

Öten agşam garagol Aý ýatmady.
Käte bulutlarda özin gizledi
Käte bolsa akyp barýan bulutlaň
Yzyn yzçy tazy kimin yzlady.

Men bolsa şo mahal seni ýatladym,
Ýagşyň çalýan mukamyna diň salyp.
Armanlar ýüzüme ýylgyryp bakýar
Men oňaýýan uludan bir dem alyp.

Derýadaky batly sil deý akyp dur,
Meniň saňa bolan gizlin yhlasym.
Her öwrümde täzelige garaşýar
Bilesigeliji kejir ykbalym...

Ýöne bu gün säher juda üýtgeşik,
Bulutlar bir-birin eýgerip barýar.
Göwnüm armanlarmy yzda galdyryp
Arzuwlarym bilen beýgelip barýar.

Jümjüme
Категория: Goşgular | Просмотров: 367 | Добавил: Jumjume | Теги: Meñli Aşyrowa | Рейтинг: 4.0/6
Awtoryň başga makalalary

Goşgular bölümiň başga makalalary

√ Täjir tanşyma / Goşgular - 16.01.2024
√ Gije hem gündiz / Goşgular - 07.02.2024
√ Ak buýnuzly ak maral / Goşgular - 01.01.2024
√ Kyrk ýaşa ýüzlenme / Goşgular - 03.02.2024
√ Kyrk ýaşa ýeteniñde / Goşgular - 03.02.2024
√ Ynanarmykan? / Goşgular - 30.01.2024
√ Sowuk söz / Goşgular - 31.01.2024
√ Ýagyş damjasy / Goşgular - 24.03.2024
√ "Diýdiñ: Gelin bolup görkezeýinmi?.." / Goşgular - 14.02.2024
√ Nokat / Goşgular - 28.01.2024

Teswirleriň ählisi: 11
0
1 Jumjume  
571
Rahmat aka kattakan rahmat smile

0
2 Jumjume  
571
Haweran,ýyldyzjyklar nämäni añladýar biz näme üçin goýup bilmeýäs???

0
3 mango  
651
Öten agşam garagol Aý ýatmady.
Käte bulutlarda özin gizledi
Käte bolsa akyp barýan bulutlaň
Yzyn yzçy tazy kimin yzlady.
---
Aý bulutlary yzarlap hereket etdimi?
garagol Aý diýsänim. durmadymy duran ýerinde?

0
4 mango  
651
Her öwrümde täzelige garaşýar
Bilesigeliji kejir ykbalym...
---
"bilesigeliji" agyrrak okalýamy?

0
5 mango  
651
düýn
Armanlar ýüzüme ýylgyryp bak(dy)
Men oňaý(dym) uludan bir dem alyp.
bu gün
Göwnüm armanlarmy yzda galdyryp
Arzuwlarym bilen beýgelip barýar.
bu gün düýnkiden gowy gün.
goşgam goşulyberipdir.
üstünlikler.

0
6 Jumjume  
571
Sagboluñ!

Aýyñ hereket etmeýäni hemme kişä aýan elbet,ýöne şeýle görünýändigi ün hereketde edip görkezdim. G.Ezizow aýdýara Gün Aý aslynda dogmaýar-ýaşmaýar ,ýöne biz henizem şeý diýýäs diýip. Aýyñ hereketliligem şeýleräk bir zatda

0
8 Revo  
484
"Aýyñ hereket etmeýäni hemme kişä aýan"

Aý, öz okynyň daşyndana bir aýlanýar, ýeriň daşyndanam aýlanýar...

0
7 Pegas  
98
Gaty kiçijek bellik (ylalaşman bilersiňiz): işliklerden alynan kapyýa hiç wagtam goşgyny bezänok. Umuman haladym. Üstünlikler!

0
9 Jumjume  
571
Gadyrdan Revo! Biz başga-başga zatlañ gürrüñini edýäs-ä. Hany şeýle pursatlar bolar, bulutlar çaltlyk bn süýşüp barýandyr,ýöne biziñ gözümize bulut däl-de Aý süýşýän ýaly-hereket edýän ýaly görünýä. Ana şony gözöñünde tutupdym goşgyda.

Aý aýlanybersin öz we ýeriñ daşyndan. Barybir bize ony adaty göz bn görmek başardanog-a.

Belligiñ ün sagbol! Ýa biz düşünişmedik,ýa-da men düşündirip oñarmadym...

0
10 Revo  
484
Uzak ýazypsyň. Düşünýän.

0
11 Sergezzan  
707
@Revo , ay yerin daşyndan aýlanýan bolsa, onda name ucin biz dine aýyň bir tarapyny göryaris?

Teswiri diňe saýta agza bolan ulanjylar goşup bilýär.
[ Agza bol | Saýta gir ]