07:02 Ritoriki sowallar | |
RITORIKI SOWALLAR
Dünýe – düýş. Düýş gören wagtyň, Düýş içre düýş görmediňmi?! Hak tendürstlik beren wagty, Bagt agtaryp, sermediňmi? Ukyp berdi. Hakyn berdi. Heser berdi. Ýakym berdi Nebis görkezip, akyl berdi, Tapmaçany ýormadyňmy?! Paýyň alyp bir çetinden Derýa ýaly rehmetinden, Ýagty ýalançyň petinde Müdimilik ornadyňmy?! Seň ornuňa çözdi Taňry Köp derdiňi. Kömek – emri. Saňa sowgat berlen ömri Gorkulara bermediňmi? Ýagşa sarp et, bukma jany, Dünýe panymy, sen pany, Heniz wagtyň barka, häli Heý oýlanyp görmediňmi?! Hak tendürstlik beren wagty, Nurlanjak bol, dünýe ýagty? Ýatlap gör, düýş gören wagtyň, Düýş içre düýş görmediňmi?! 15.09.2021 ý. | |
|
√ Dostluk hakda / Goşgular - 18.02.2024 |
√ Hasap / Goşgular - 18.02.2024 |
√ «Превратила всё в шутку сначала…» / Goşgular - 29.02.2024 |
√ Mürze ýigit / Goşgular - 12.03.2024 |
√ Nädip ýaşamaly?! / Goşgular - 13.01.2024 |
√ Ýogaldy / Goşgular - 05.05.2024 |
√ Kyrk ýaşa ýüzlenme / Goşgular - 03.02.2024 |
√ Garaş maňa / Goşgular - 17.02.2024 |
√ Soltan / Goşgular - 27.03.2024 |
√ Rubagylar / Goşgular - 01.01.2024 |
Teswirleriň ählisi: 0 | |