Soñky pursatda

SOÑKY PURSATDA

Hasraty oýaryp, söndi ýagtylyk,
Ýa çyra günäkär ýa-da çyradan.
Gamhanam tünleriñ içinde galdy,
Ozalky berk süññi indi ýaradar.

Girdabyna aýlap aldy ýerzemin,
Yşyksyz haýry ýok ýiti çeşmimiñ,
Zulmat içre boldum elli bizary
Gorkunç ýalñyzlygyñ bedroý keşbiniñ.

Urundym, sermedim äpet boşlugy,
Bir zat ele iler diýen umytda.
Duýulýardy ähli zatlañ daşlygy
Iñlär siñek, uçar çybyn yok hat-da.

Eräp barýan şem mysaly kem-kemden.
Ýüregim doñmaga başlady birden
Iñ soñky pursatda süýnen ýyldyz deý,
Solak yşyk düşdi alys bir ýerden.

Görsem durus biz öñküje ýermizde
Çyradanda çyra tutaşan eken.
Bir-birekden jyda düşmek howpundan
Küýseg dadymyza ýetişen eken.

Jümjüme. 15.05.2021 ý.