TEŇŇEBALYK HEKAÝATY
Umman içre Teňňebalyk ýüzýärdi,
Teňňesin güjeňläp, öwnüp gezýärdi.
Buýsanýardy teňňelerniň ýalkymna,
Öwündi Suwatyň girip alkymna.
Öwündi ol Suwpyşdylyň ýanynda,
Öwündi gündiz hem gijäň ýarynda.
Gulagyn kamata getirdi Lakgaň,
Öwündi Läheňiň gözüne bakman.
Çar ýana urunyp, dynman öwündi.
(Buýsanjyň çägi ýok, gysga ömür bi...)
Bir gün Teňňebalyk çeňňege düşdi,
Barça arzuwlary huşundan uçdy.
“Ah” çekdi, armanly tutdy kellesin,
Sypyryp zyňdylar ähli teňňesin.
...Takdyr gyssap, düşen günüň çeňňege,
Peýdasyz ekeni müňläp teňňe-de.
Azymberdi KAKAÝEW.
|
