Wesýet

WESÝET

Agşam aý doganda daşaryk çyk-da,
Synla, bu dünýäniñ gözelligini.
Onsoñ yhlas bilen aýawly sakla,
Ertirki günleriñ gönezligini.

Wepaly bol atañ beren pendine,
Pahyr, görde hyrçyn dişläp ýatmasyn.
Dostuña hormat goý, sarpasyn sakla,
Bir dili duzludan şyltak ýetmesin.

Ömrüñ güli goý, gurasa gurasyn.
Bir bigünäñ gözýaşyny içmesin.
Bir gün ula tursa bagtyñ bedewi,
Gara nebsiñ aklyñ törüme geçmesin.

Asuda ülkäñe giren ganymy
Gaýtarmasañ, gaýdyp gelme yzyña.
Minnetdar bol pena beren ilie
Hemem şu toprakdan iýen duzuña.

Ýat illere äkitse-de nesibe,
Ykbal örküñ şu topraga baglasyn.
Dogan günüñ diñe öýñüz begense,
Ölen günüñ bütin iliñ aglasyn.

Işanguly GULJAÝEW.