Ýaşamaga ýalñyz höwes

ÝAŞAMAGA ÝALÑYZ HÖWES

Sensiz gije tüm görünýar,
Maña Günüñ şuglasy pes.
Ýer ýüzüniñ bir ýerinde
Ýatlayansyñ, maña şol bes.

Beýle söýgä garyşmazlyk,
Belki günä, belki hebes.
Iñ ezasy darykmazlyk.
Garaşýarsyñ, maña şol bes.

Şükür, sabrym kanagatym,
Maña umyt, arzuw, nepes.
Garrap seni tanamasam,
Sen tanarsyñ, maña şol bes.

Sen meniñ jadyly yşgym,
Ýaşamaga ýalñyz hõwes.
Sen diyip bar zatdan geçdim,
Söýýañ, söýýan. Maña şol bes.

* * *

Synla, ynha, meniñ bilen,
Saña neneñ kynlygyny.
Ruhum üçin tenim bilen
Serwi göwräñ gynlygyny.

Neneñ edip sada dilde
Ýetireýin saña, dünýäm?!
Ýene gökden hut şu pille,
Maña garşy ýyldyz süýnýär...

Ýüregimde arzuwym ýok,
Gaty elhenç bu ahwalat..
Ähli zady üýtgederdiñ
Bolan bolsañ sen şu halat.

Õñem ýüki ýetik ömrüñ,
Menem onuñ üstesine.
Gapyan gözlem bilen gõwnüm
Ýok hasratyñ tüssesine.

A sen yhlas edip mydam,
Şol ugumy ýekeleýäñ.
Men bolsa bilemok çydap
Gahrym gar deý sepeleýän.

Seniñ bilen meñki barlyk,
Owaz bagtyñ şelpesine
Arman, bilmerin garylyp
Beyle elpe-şelpelige...

Dünýäni aýak astyma
Düşek edip düşediñ-de.
Sõýgiñ cykypdyr kastyma,
Mähriñe coy, üşedim-le?!

Düşün, maña arzuw gerek,
Ýyldyz süýnse aýdar ýaly.
Bet niýetden set müñ gezek
Toba kylyp gaýdar ýaly...

Gülşirin HANOWA.