Ynjynma

YNJYNMA

Paýhasym raýyşa çykyp,
Akyp barýan pikirlemde eglendi.
Duýgularym için döküp,
Gözýaş bilen zikirlemde gizlendi.

Her eziziň gursagyňda,
Bir şemjagaz bolup ýanýar ömürlik.
Eger sönse şolaň biri,
Tümlik oý dek bolup galýa ömürlik.

Dertli bolsaň hiç-le weli,
Agyr, derdiň aýdyp bilmeseň kimsä.
Ynjaberýär çep gursagyň,
Utanyp ýörensiň meňzäp bir kemlä.

Alnyňa däl, ýüregiňe,
Tagma edip ýazylandyr oýulyp.
Bir sönensoň ynam şemi,
Merhemete bolmaz eken çoýunyp.

Jümjüme.