ÝÜREK
Görseňizläň beýle edenlidigni,
Halannyň öňünde çökerýär dyza,
Aýtsaň-da nämeler etmelidigni,
Öz tutan ýolundan dönmeýär yza.
Bilen-bitireni öz göwnüne jaý,
Bir özi akylly ýeriň ýüzünde,
Ol onsoň özüne özi gözläp taý,
Zeminiň goýnunda iliň gözünde.
Kaýyl bolaýmakdan başga çäre ýok,
Näçe ýalbarsaň-da ýaýkaýar başyn,
Durky ak, birjik-de tegmilt-gara ýok,
Özüň ynjamaly çytdyrsaň gaşyn.
Öz keşginden başga zady duýmaýar,
Şeýlebir takatsyz-heserli juda,
Bir pursatlyk dynç alsam-da diýmeýär,
Togtasa bar zatdan düşmeli jyda.
|
