00:34 Durmuş | |
|
DURMUŞ
Goşgular
 Daň atandan syldym seni ýüzüme, Essalawmaleýkim, eý, ýagty jahan! Şükürlikden ýaş aýlandy gözüme, Essalawmaleýkim, eý, ýagty jahan! Sag-aman oýandym, başym gökdedir, Baş gara bolsa-da, gözüm akdadyr. Ýurdum barka «bilmen» nedir, «ýok» nedir, Essalawmaleýkim, eý, ýagty jahan! Gül meňzini görseň bolmaz howsala, Darykmaryn agyz urup owsara. Medet bergin öz boýuna towsana, Essalawmaleýkim, eý, ýagty jahan! «Görüner-görünmez bela bar» diýler, «Ýöne garşysyna gala bar» diýler. «Daşyňda mizemez halal bar» diýler, Essalawmaleýkim, eý, ýagty jahan! Elmydama ýagşylyklar görmeli, Her teňňäňi durmuş üçin bermeli. Mysapyr bolaňda biraz durmaly, Essalawmaleýkim, eý, ýagty jahan! Sabyr edip menzillere ýetişgin, Şeýde-şeýde il-günüňe gatyşgyn. Ýazgyt bilen altyn aşyk atyşgyn, Essalawmaleýkim, eý, ýagty jahan! Ýüregim suw boldy, zora sataşdym, Şükür etdim, ýene nura sataşdym. Ýaşaýyş diýilen pire sataşdym, Essalawmaleýkim, eý, ýagty jahan! Mämmernazar BABANAZAROW. | |
|
| |
| √ Rubagylar / Goşgular - 10.01.2025 | |
| √ Bu köňlüm zowrakyn aldy bu gün bir gunça leb gülruh... / Goşgular - 06.01.2025 | |
| √ Hatty benewşe, haddy läle, zülpi reýhandyr... / Goşgular - 12.01.2025 | |
| √ Dostum, arz et jemalyň, janymyz bolsun fereh... / Goşgular - 04.01.2025 | |
| √ Bir dem ol dilber jemalyndan yrak olmak ne güýç... / Goşgular - 01.01.2025 | |
| √ Kowusnama: Bedew edinmek hakynda / Goşgular - 12.01.2025 | |
| √ Aramyzdan gidenleri ýatlalyñ! / Goşgular - 12.01.2025 | |
| √ Şaglawuk / Goşgular - 02.01.2025 | |
| √ Eýledi ýar meni dert ile awara, medet... / Goşgular - 12.01.2025 | |
| √ Lolular / Goşgular - 08.01.2025 | |
| Teswirleriň ählisi: 1 | ||
| ||
0
