Dag säheri

DAG SÄHЕRI

Ýuwulyp gijeki ýagşa,
Durlanypdyr mawy asman.
Dagda deräñ ýaşyl nagşy
Çyg bilen gün nury ýasan.

Dumandan saýlanyp, daglañ
Howalanar gabarasy –
Gudrat bilen dörän binañ
Howadaky harabasy...

• KIM ÇYKAR ÝOLA?

Daglar ýeriñ mañlaýy,
Bulut özün baş saýar.
Şuña haýran galaýly,
Haýran galmaz başgalar.

Tutup gögüñ gözlerin,
Tüm özüni kim saýar.
Bu dünýäde özlerin
Tanap bilmez kimseler.

Kimler düşüp hyýala,
Öz-özlerin aldarlar.
Bu dünýä çykyp ýola,
Haku-nahak galgarlar.

Bapba GÖKLEŇ.