13:35 Bäsdeşlik | |
|
BÄSDEŞLIK
Goşgular
 Unaş iýip bolup, boýumyz deňläp, "Kim has uzyn" ýaryşardyk, bäsdeşdik. Şonda seniň boýuň uzyn çykaýsa Has köp iýip, öserdim men, basdaşdyk. Ejem seni gujaklasa gabanyp Aglap, ol gujagy eýelärdim men. Iş başynda artyk işlän mahalyň Senden ozjak bolup "gyýalardym" men. Käte oglan eşiklerini geýnip, Seň ýöreýşiň gaýtalap kän ýörärdim. Goýun baksaň, sygyr bakyp ýermizde Senden ozmak üçin, saňa garardym. Sen palçykdan kiçi gala salaňda, Men has ulusyny salardym hyklap. Hat ýazmagy ilki öwreneninde Menem öwrenipdim galdapdan jyklap. Harby lybas geýip, esger bolaňda Ejemiň guwanjaň ýüregin guçduň. Menem harby lybas kalbymda besläp Hukuk fakultetiň gapysyn açdym. Görsem, jigilerim bizden galyşman Hersi öz ykbalyn saýlady munda. Yzkylaryň azaşmazlygy üçin Mert durna uçarmyş hatar öňünde. Watan serhedine başyňy goýup Gulluga başladyň, arman-ýadaman. Asyl, dogry ýoly öwrenmek üçin Aga berilýändir bagtly adama. Bäsdeşlik ösüşi döredýär eken Sen utup gelipsiň, başdan herzaman. Jigiler utulyp, Hak yol tapsalar Bu seniň ýeňşiñdir bäsdeş agamjan! Bibigül ÝAGŞYMÄDOWA. | |
|
| |
| √ Dünýä maňa aşyk bolsun! / Goşgular - 07.01.2025 | |
| √ Ýagşy niýetler / Goşgular - 08.01.2025 | |
| √ Bir dem ol dilber jemalyndan yrak olmak ne güýç... / Goşgular - 01.01.2025 | |
| √ Söýlemezlik harjysy söýlemegiň hasydyr... / Goşgular - 04.01.2025 | |
| √ Dostum, arz et jemalyň, janymyz bolsun fereh... / Goşgular - 04.01.2025 | |
| √ Rubagylar / Goşgular - 10.01.2025 | |
| √ Ýar laglyň arzuwlar men, jana bereý sen şypa... / Goşgular - 06.01.2025 | |
| √ "Ýene-de daň atdy..." / Goşgular - 01.01.2025 | |
| √ Şaglawuk / Goşgular - 02.01.2025 | |
| √ Bu köňlüm zowrakyn aldy bu gün bir gunça leb gülruh... / Goşgular - 06.01.2025 | |
| Teswirleriň ählisi: 4 | |||||
| |||||
0
