Doglan günüñde

DOGLAN GÜNÜÑDE

Ýaz ýeline uçup gelen durnalar,
Asmanyň ýüzüni nagyşladylar.
Durnalaň sesine güllän erikler,
Saňa on sekizi bagyşladylar.

On sekiz ýaşyňy gutlamak üçin,
Öýüňe üýşdüler deňi-duşlaryň.
Olar yzly-yzna arzuw etdiler,
Uzak bolsun-uzak bolsun ýaşlaryň.

Hemem olar gutlap juwanlyk ýaşyn,
Sowgat gowşurdylar oňatdan oňat,
...Maňa goşgy bolup görünen gyza,
Menem bagş etdim goşgudan sowgat.