Essalawmaleýkim saýtymyzyň hormatly agzalary we myhmanlary! Sag-amanja ýörenmisiňiz?!
Ýetip gelýän täze ýyllaryňyz hem gutly bolsun! Düşümli, rysgal-bereketli ýyllaryň biri bolsun!
Mowzugyň adyny okap "Nämäni bilelikde dowam etmelikä?" diýýänsiňiz elbetde. Häzir düşündürjek bolaýyn. Düýn agşam bir hekaýa ýazyp başladym welin kelläme: "Mmmbäh, şu hekaýany pylany ýazyp oturan bolsa nähili dowam etdirerkä ýada pylany bolsa näderkä?" diýen pikirler geldi. Bärdäki agzalaryňam tüweleme hemmesi diýen ýaly döredijilik işgärler ýada döredijilik bilen,edebiýat bilen gyzyklanýan adamlar. Şonuň üçinem şu hekaýanyň yzyny teswirlerde her kim öz fantaziýasyna görä dowam etdirse hemä gyzykly hemem peýdaly bolardy diýen umydym bar. Hany onda döredijilik ukybymyzy işe salalyň! Hekaýa entek özümem at goýmadym. Her kim öz wersiýasynda adyny hem özi goýaýsyn.
Selim toý mekanyň öňünde ulagdan düşüp galdy. Toý alyp baryjy (tamada) bolany bäri bärde ençeme toýlara gatnaşypdy. Öňler halypasy bilenem kän gelipdi. Her gezek toýa gelende bolyşy ýaly bu gezek hem toý eýeleri gadyrly garşyladylar. Üsti dürli iýgi-içgiden doly stoluň başyna geçmäge mürähet etdiler.
Selim stola geçip oturdam welin arka tarapyndan:
- Bagyşlaň! Toýy siz alyp barýaňyzmy?-diýen, tanyş zenan sesi eşidildi. Selim "Hawa, nesip bolsa. Alyp barmakçy özä!" diýmek üçin yzyna öwrüldi... Eý, Allam bu şol... Hawa, hawa bu şol..."Tiresi uşak, özem nirede bir aýdym-sazyň sesi çykarka diýip, toýdan-toýa enteýän oglana" berilmedik gyz...
Ýöne häzirki daş sypatyndan-a ol gyza meňzänok...
Yzyny ýazmak siziň bilen gadyrdanlar. Hany ukyp-başarnygymyzy görkezeliň!
Selimiň Marala gözi düşenden özüni ýitirip, aljyraňňy haly başyndan geçirdi. Nädip beýle bolmasyn?! Jany-teni bilen söýen gyzyndan göwni galyp, aýralykdan soň, birnäçe ýyl görüşmändiler. Olar asla görüşerisem öýdenokdylar. Sebäbi, dünýä deňäp ýören Maralynyň söýhüsine dönüklik edip, ata-enesiniň diýenlinden çykmajak bolup, aýra düşenini, Selim özüne kemlik bilip, kineli halda gezip ýördi. Maral bolsa, indi yzda galan Selimli geçmişini unudyp, ata-enesiniň göwni diýip, kakasynyň dostunyň baýlygyna göz dikmek bilen, onuň ogluna dirmuşa çykypdy. Ol ýerde-de, "Ärim almady, Älem almady" diýleni boldy-da, yzygiderli dowam eden gowgaly durmuşyndan irip, atasy öýüne dolanyp gelipdi... Selim Marala sataşmak bilen ol gyzyň ýüzünde gussa alamatynyň barlygyny, oňa şunça ýyllardan soň, tötänden sataşylan duşuşygyň täsirinde ýylgyrmak alamatyny görmedi. Ikisi-de bir bada bir-birlerine seredişip durdular. Muňa Selimiň Maral baradaky, Maralyň bolsa, Selim baradaky içgepletmeleri sebäp boldy... Birhaýukdan soň, Selim dymyşlygy bozup: -Maral?- diýdi-de, Marala sorag nazary bilen, oňa habar gatdy...
Maral ýalňyşyna düşünýärdi. Baýlyk-bolelinlik. Islän ýeriňe eliniň ýetip durjagy barada aladalanyp, ejesi ony barly ýere bereni bilen, bagty çüwmese bolmajagyna gözi ýetensoň, ata-enesiniň-de gyzlarynyň ykbalyna aglaýandyklary gyýylyp, gyz kemsinmekden ýaňa Selimiň ýanynda söz bilen däl-de, diňe göz bilen düşündiräýesi gelip, dolugypdy. Selimiň: "Maral?" diýen sözüne ol tisginen ýaly boldu-da, ýaňaklarynda saklanan göz ýaş damjajyklaryny gizlejegem bolman, sülük barmaklary bilen sylyp goýberdi... Selimiň keýpi gaçdy. Ol: -Gurgunmysyň, Maral?! -diýdi-de, daş-töweregine garanjaklady. -Bu toý siziňkimi? Sen näme üçin aglaýarsyň? Hal-ahwalyň gowumy?- diýen soragyna Maral: -Şükür, men gowy. Hawa, jigim öýlenýä-diýip, jogap berdi we bolup dirşundan utandymy, ol:- Ýetmeýän zadyňyz bolsa, aýdarsyňyzda- diýip, ýuwaş-ýuwaş gelip başlan myhmanlaryny garşy almana bosaga tarap ýöneldi.
Toý başlandy. Selim adatdakysy ýaly mikrafony eline aldy-da:-Bir...bir...üff...bir...iki...üç...-diýdi-de, mikrofonyň işleýline göwni ýeten soň, gürlemäne başlady. Ol elbet-de, gürlese gürleýärdi. Ýöne Maralyň gözýaşly dymyp durmagy onuň ýadyna düşende oýlanmakdan ýaňa ýalňyşyp, başga zatlar samrabermeginden howatyrlanyp, ünsüni näçe sowjak bolsa-da, toý tamamlanýança aýňalyp bilmedi. Ol Maralyň durmuşy hal-ýagdaýy barada gyzyklanasy geldi. Ýöne bu wagtlar onuň ýeri däldigi welin, köre mälim. Selim toýuň baryşynyň dowamlylygynda şol öz ýüreginde yza goýan Maralyny synladygyça Marally geçen ýaşlyk ýyllaryny ýatlap, aýdym aýdýan bagşydan Maralyň ýanynda hiňlenýän käbir aýdymlaryndan birki sanysyny gyz üçin aýtdyrypdy. Göräýmäne myhmanlar bilen başagaý ýaly görünýänem bolsa Maral, Selim ikisine degişli bolan aýdymlara gulak salanda, onuň ýüregi lerzana gelýärdi. Toý keýpi bolman soň,Maralyň tans etmäne-de gyzygy bolmady...
Selim toýda tans edip ýören gyzlara gözi düşende doñup galdy. Tans oýnaýan gyzlar misli ýerden pessaýlap uçýan kebelekleri ýada salýardy.Çûnki tans oýnaýan gyzlañ aýagy ýere galtaşmaýardy....
Köpçülikleýin, bir-birlermiziň ýazanlarymyzy dowam etdirip gidiberenimizde, gyzykly bir heka bolmagy ahmaldy welin, gynansak-da, agzalar aktiw däl ekenler.( Meniň pikirimçe gyzykly bolardy şeýdilende) Tama çykmady ( Hekaýanyň orginal görnüşiniň dowamyna garaşýas!
Teswiri diňe saýta agza bolan ulanjylar goşup bilýär. [ Agza bol | Saýta gir ]
