Главная » 2020 » Ýanwar » 25 » Gerekdir
10:44

Gerekdir

GEREKDIR

«Menem» diýen goç ýigide,
Bir mynasyp ýar gerekdir.
Arap at, ýowly ýigide,
Almaz zülpükar gerekdir.

Ýigit öler ýurt üstünde,
Janyn berip ar üstünde,
Goç ýigitler il üstünde,
Namys bilen ar gerekdir.

Bäş gün köňül hoş etmäge,
Saçak ýazyp, nan dökmäge,
Abraý alyp, at etmäge,
Golda bendi-bar gerekdir.

Mekgä baran bolar hajy,
Aýralyk ölümden ajy.
Goç ýigide ar galyjy,
Aşyga didar gerekdir.

Artdyr pelek ahy-zaryň,
Alar elden ygtyýaryň.
Magtymguly, söwer ýaryň,
Syýa zülpi tar gerekdir.

Magtymguly PYRAGY.
Goşgular
Категория: Goşgular | Просмотров: 508 | Добавил: Gurgencli | Теги: Magtymguly Pyragу | Рейтинг: 5.0/1
Awtoryň başga makalalary

Goşgular bölümiň başga makalalary

√ Bir dem ol dilber jemalyndan yrak olmak ne güýç... / Goşgular - 01.01.2025
√ Aramyzdan gidenleri ýatlalyñ! / Goşgular - 12.01.2025
√ Rubagylar / Goşgular - 10.01.2025
√ Dil pyrak odunda ýandy, galdy jan hijran era... / Goşgular - 12.01.2025
√ Şaglawuk / Goşgular - 02.01.2025
√ "Ýene-de daň atdy..." / Goşgular - 01.01.2025
√ Bu köňlüm zowrakyn aldy bu gün bir gunça leb gülruh... / Goşgular - 06.01.2025
√ Hatty benewşe, haddy läle, zülpi reýhandyr... / Goşgular - 12.01.2025
√ Dostum, arz et jemalyň, janymyz bolsun fereh... / Goşgular - 04.01.2025
√ Ýagşy niýetler / Goşgular - 08.01.2025

Teswirleriň ählisi: 2
1
1 Hаwеrаn  
245
Hz. Magtymguly Pyragy başymyzyñ täji, gözümiziñ nury. Onuñ dogaýy şygyrlaryna-da haýsydyr bir söz diýmek biziñ hetdimize däl. Emma bu gün beýik akyldaryñ edebi mirasyna islendik ýerde islendik şekilde (audio (mp3), wideo ýazgy görnüşlerinde, dürli saýtlarda we ş.m) duş gelmek mümkin, ýagny her kes ûçin elýeterli. Şonuñ üçin her kese elýeterli eserlerden ötri hemmeler ü.n elýeter däl eserleri, XX asyr we häzirki zaman türkmen ýazyjy şahyrlarymyzyñ eserlerini paýlaşyp saýtyñ goruny baýlaşdyrsak, has gowy bolmazmydy, @Gürgençli dost? smile

0
2 Selena  
313
Gerekdir!

Teswiri diňe saýta agza bolan ulanjylar goşup bilýär.
[ Agza bol | Saýta gir ]