Gitmek

GITMEK

Oka, Atamyrat agañ setirin,
Belki, senem: "Mamla!" diýersiñ oña.
Gelmejegi başarmarsyñ getirip,
Söýüp bilmedimi, söýgüsiz oñar.

Gelmejek salgym deý añyry süýşer,
Umytly baksañ-da gözleriñ ýaşlap.
Ol geçen günleriñ öwrüler düýşe,
Gelmese, bilmejek ýalysyñ ýaşap.

Kalbyñ içi boşap galan höwürtge,
Garaşarsyñ: gaýdyp geler, ähtimal.
Bagtyñ saña özünden ýüz öwürtmez,
Göwni bölek bolup bilmez mähriban.

Gitjek gider, gitsin, oña diýme: "Gal",
Goý, gitsin, borjundan boşana meñzäp.
"Ýol bolsun!" diý, eger gitse bimelal,
Ýaşasyn özünden hoşala meñzäp.

Kerwen IGDIROW,
Daşoguz welaýatynyñ Akdepe etrabynyñ 74-nji orta mekdebiniñ mugallymy.