Öýke

ÖÝKE

Sen maña düṣünmän, öýkeläp gitdiñ,
Indi menem senden beter öýkeli.
Çeýe umydymdan umydym üzmän,
Ýüregimde dikdim seniñ heýkeliñ.

Herhalda ýitirmän uşlybyñ ujyn,
Ol gamyş köprini goýsam-da bozman.
Küýze synarmyşyn güni gelende,
Döwlen küýze bir gün derdiñi gozgar.

Azaşanyñ soñ bilersiñ, gidiber,
Gidiber öýkäniñ yzyna düş-de.
Bu hatañ soñunda gymmata düşer,
Ýitirersiñ, ýitersiñ bu gidişde.

Düşünip, dolanyp geljek ýoluñy,
Men ädimläp goýdum, garyşlap goýdum.
Iru-giç: "Bagyşla" diýersiñ öýdüp,
Men seni bireýýam bagyşlap goýdum.

Kerwen IGDIROW.