Içgepletme

IÇGEPLETME

Nämeler geçmedi gara başymdan.
Ýetik hasratlarym, bar, şat günlerim.
Mizana salnanda ýa sanalanda,
Görlen gowgalary az diýp bilmerin.

Asly ýaradylşym - gözlerim ýaşly,
Sähel oňaýsyzlyk başymy egdi.
Hoşal bolsam çümmük ýaljak hoşluga,
Dertliň derdi meňem degnama degdi.

Şatlygam ölçegli, gussa bar dürli,
Kä dert bolýar, ýokdur diýdirýän deňi.
Iň agyr gözýaşly günlerimdendi,
Ezizlermiň juwan ýaşda gideni.

Bilmen özümdenmi, bilmen ykbaldan,
Ejiz boldum gussa ýeňip geçerden.
“Är başy gowgaly” diýlenimikä?!
Görgi bary geçdi bu goja serden.

Geldimyrat SEÝIDOW.

2024 ý.