16:16 Men | |
MEN
Goşgular
![]() Nobatguly Rejebowyň äheňinde Gara çynym bilen öwünjek şu gün, Ynanjaňlar biljek bolsun pal atyp. Men dünýäniň açylmadyk genisi, Men dünýäniň bilinmedik halaty. Gözlerme deňledim dünýäň ahwalyn, Aýatlaryn ýat bekledim Kuranyň. Agşamlaşdym, ýagyşlaşdym, aglaşdym, Şu gün irdenleýşi ýaly Suraýyň. Men bir lapykeçiň romantikasy, Asmana baş bermän, ýerde dörän men. Size ýeriň astynda-da peý bermen, Ynanmadyk gelip, ölüp göräýsin. Men bir bagty gelen tragediýa, Tiken men biwepaň dodagna çümen. Gar aklap bilmeýär gara maňlaýy, Gar däl men, betbagta gowşurlan çemen. Däli bolup, akyp ýatyr hakykat, Ala düşen başlar yranmaýarlar. Gara çynym bilen öwünjek şu gün, Barybir maňa hiç ynanmaýarlar. Eziz AMANNAZAROW. | |
|
√ Ýa Biribar / Goşgular - 30.01.2025 |
√ Men bir ýola... / Goşgular - 12.01.2025 |
√ Bu köňlüm zowrakyn aldy bu gün bir gunça leb gülruh... / Goşgular - 06.01.2025 |
√ Eýledi ýar meni dert ile awara, medet... / Goşgular - 12.01.2025 |
√ Ýaraly ýüregiň owazy / Goşgular - 22.01.2025 |
√ Oňşuksyz öý / Goşgular - 12.01.2025 |
√ Meýdan güli / Goşgular - 30.01.2025 |
√ Lolular / Goşgular - 08.01.2025 |
√ Dünýä maňa aşyk bolsun! / Goşgular - 07.01.2025 |
√ Kowusnama: Bedew edinmek hakynda / Goşgular - 12.01.2025 |
Teswirleriň ählisi: 2 | |
| |