Rubagylar

RUBAGYLAR

Galam gaşly, gara gözli, gara gyz,
Gözi ýaşly, ýürejigi ýara gyz,
Sen gamlanma, gara bolup doglanňa,
Dünýe-de garalýar dura-bara gyz.

* * *

Hasratlardan serhoş bolup ýaňradym,
Ajylardan çykyp süýjä barmadym.
Binamysa gargynç ýokmaz ekeni,
Ýogsa öz-özüme öl diýp gargadym.

* * *

Sen degmeseň, degmedikleň degermi,
Emma, men almadym kişiň geregni.
A ol gyz "ogrudan ogurlasaň bor"
Diýdi-de meň alyp gitdi ýüregmi.

Eziz AMANNAZAROW.