Ümür

ÜMÜR

Ümür – gök asmanyň ruhy mysaly,
Salgym bolup, ýene ýeri gujaklap,
Ýüregimi tolgundyrýar bir tüýsli
Ne-hä joşup şatlygymdan gülýän men,
Ne-de gorkup dodaklarym uçuklar.

Ümsüm tokaý, şäher, ýagty köçeler ,
Ümsüm, ýüregimden özgeleň bary.
Şol ümsümlik sazyn diňläp kiçeler
Göwnüm hem-de ýatlap özgeren ýary.

Eý, asmanyň ruhy, sazyňy çal-da,
Rahatlandyr ene ýeriň ýüregni.
Meni-hä ýalňyzlyk şeýdip aldaýar
Aljak wagty elimdäki geregmi.

Eziz AMANNAZAROW.